Exodus 13:11 - Bible Ni Thothup

¹¹ “Bayi fekmed SOMOL ngalan fare binaw rok piyu Kanaan ni bod nike micheg ngomed nge pi chitamangimed ni kakrom. Nap’an nra pi’ ngomed,

Exodus 13:11 Referans Kwoze

Exodus 13:5

Kri micheg SOMOL ngak e pi chitamangimed ni kakrom nra pi’ ngomed e binaw rok piyu Kanaan, Hitt, Amor, Hiv nge piyu Jebus. Nap’an e ra fekmed SOMOL i yan ngalan fare binaw nib madnom mab yung’ol but’an, ma thingar um madnom niged e re rran ney u lan e bin som’on e pul ko yu duw.

Genesis 15:18

Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

Genesis 17:8

Bay gu pi’ ngom nge ngak e pi’in owchem e re nam ney ni ga be par riy e chiney ni gab milekag. Ma nam nu Kanaan ni ga’ngin e bayi par ni tafnam ndariy n’umngin nap’an, ma bay gu par ni gag e Got rok e pi’in owchem.”

Genesis 28:15

Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”

Exodus 32:13

Mu leamnag fapi tapigpig rom i Abraham, Isak, nge Jakob. Mu leamnag fare michmich ni mu tay ngorad ni bay mu pi’ ngorad e pi’in owcharad ni bod feni yo’or e t’uf u lanelang, ma bay mu pi’ ngak e pi’in owcherad e re nam ney ni ga’ngin ni ngar tafned ni dariy n’umngin nap’an.”

Numbers 11:12

Gathi gag e gu sunumegrad ara gu gargelegrad! Ere mang ni kamog ngog ni nggu dinobiyrad ni bod be’ ni bpin ni be tathuthnag pifak mu gu fekrad i yan ko fare nam ni gur e mmicheg ngak pi chitamangirad ni kakrom ni bay mpi’ ngorad?

Psalms 105:42

Thin rok nib thothup ni micheg ngak Abraham ni tapigpig rok e de pag talin.