Exodus 12:6 - Bible Ni Thothup

⁶ Mi gimed tay nge mada’ ko rofen ni ragag nge aningeg ko re pul ney, aram e rofen ni urngin piyu Israel ni ngar li’ed e gamanman rorad nike aw e lumor.

Exodus 12:6 Referans Kwoze

Levitikus 23:5

Paluk’af e ba madnom ni yibe tay fan SOMOL, yira tababnag ko gonowrug e rofen ni ragag nge aningeg ko bin som’on e pul.

Numbers 28:16

Fare Madnom ko Paluk’af ni liyor ngak SOMOL e ngan tay ko rofen ni ragag nge aningeg ko bin som’on e pul.

Numbers 9:11

mrayag ni nge madnomnag u lan e bin migid e pul, ko rofen ni ragag nge aningeg ko pul nl’agruw ni nike blayal’. Gimed ra madnomnag ko flowa ni kan lith ndariy e is riy nge herb nib mo’oy.

Exodus 12:18

Thingar mu koyed e flowa ni dariy e is riy ko nep’ ko chirofen ni ragag nge aningeg fen e pul ko bin m’on e pul nge yan i mada’ ko nep’ ko chirofen ni reliw’ nge ta’reb fen e pul.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Ezekiel 45:21

“Bin ragag nge aningeg e rran ko bin m’on e pul e nge tabab fare Madnom ko Paluk’af. Ma medlip fen ni nge par e girdi’ ni nge kay e flowa ni dariy e is riy.

Exodus 16:12

“Kug rung’ag e gun’gun’ ni be tay piyu Israel; nge lungum ngorad, ‘Ra yan ni nge aw e lumor ma bayi yag ngomed e ufin ni ngam ked, ma kadbul e bayi yag ngomed urngin e ggan ni ngam ked. Ma aram e bay mu nanged ni Gag SOMOL e Got romed.’”

Luke 23:18

Ma fapi girdi’ ni aram urngirad e ra tolulgad ni be lungurad, “Mu li’ ngem’! Ma ga pag Barabbas!” (

Luke 23:1

Me sak’iy girdi’en fare ulung ni gubin ngar feked Jesus i yan nga p’eowchen Pilate,

Mark 15:25

Ke mereb e kolok ni kadbul miyad richibiy ko kuruth.

Mark 15:11

Me nonnon e pi tolang ko prist ngak fapi girdi’ ni yo’or ni ngar weniggad ngak Pilate nge mang Barabbas e ni pag.

Mark 15:8

Me mu’ulung e girdi’ ni bo’or ngar weniggad ngak Pilate ni nge rin’ e n’en nma rin’ ni fan ngorad ko ngiyal’nem,

Mark 15:1

Ma nap’an ni yigi kadbul me mu’ulung nib gur e pi tolang ko prist nge pi’in pi’ilal, nge pi tamchib ko Motochiyel nge urngin girdi’en e mu’ulung ngar puruy’gad. Miyad yin’ e chen ngak Jesus ngar feked i yan ngar pi’ed ngak Pilate.

Matthew 27:25

Me fulweg fapi girdi’ ni aram urngirad ni lungurad, “Gechig ni bay yib ni bochan e yam’ ni nge tay e bay yib nga dakenmad nge nga daken pifakmad!”

Matthew 27:20

Me towasor e pi tolang ko prist nge pi’in pi’ilal ngak fapi girdi’ ni aram urngirad ni ngar weniggad ngak Pilate nge mang Barabbas e pag me mang Jesus e nli’ ngem’.

Numbers 28:18

Bin som’on e rran ko fare madnom e ngam mu’ulunggad ni fan ko liyor, ma dariy ba maruwel ni ngan rin’.

Acts 3:14

I ir e be’ nib thothup ma bfel’, machane mogned ndabumed, mi gimed wenig ngak Pilate ni nge yan nga lanin’med nge pag be’ nike thang e pogofan.

Acts 2:23

I Got e manang me ir e turguy ni ngan pi’ Jesus nga pa’med; ma kam thanged e fan rok, ya mu ted gimed ngak e girdi’ ntadenen ngar richibiyed ko kuruth.

Isaiah 53:6

Gadad gubin ni gadad bod e saf ni yan ngabang, ra bagadad me yan ko gin be leamnag. Me gagiyegnag SOMOL e gechig nge aw ngak, ni fare gechig ni gadad gubin ni bay tapgin ni nge aw ngodad.

Exodus 12:14

Re rran nem e nge par ni puguran ngomed; thingar um madnom niged ni gimed be tayfan SOMOL. Thingar mu madnom niged ni gubin e mfen ni nge par nib madnom ndab ni pag.”

Exodus 12:17

Ngu’um madnom niged e re madnom ney ni yibe kay e flowa ni dariy e is riy, ya irera’ e rofen ni gu fekmed nga wuru’ yu Egypt ni aram fenmed pire’. Um madnom niged e re rran ney ni urngin e mfen ndab mu paged.

Exodus 12:47

Ri ga’ngin yu Israel nthingar ra aywegned e re madnom ney,

Exodus 16:1

Girdi’ nu Israel ni urngin e ra milekaggad u Elim, me chirofen ni ragag nge lal ko bin l’agruw e pul u tomuren ni kar chuwgad u Egypt miyad yib nga daken e ted ni desert u Sin, ni bay u thilin yu Elim nge yu Sinai.

Exodus 19:1

Yay ni dalip ni m’ug e pul nga tomuren nike chuw piyu Israel u Egypt, miyad yib nga daken e ted ni desert u Sinai.

2 Kronicles 35:1

Josiah ni Pilung e madnomnag e Paluk’af u Jerusalem ni be tayfan SOMOL; rofen ni ragag nge aningeg ko bin m’on e pul mar li’ed e gamanman ni fan ko madnom.

Ezra 6:19

Fapi girdi’ nu Israel ni kar sulod ni ur kalbusgad u Babylon e ra madnom niged e madnom ko Paluk’af ko rofen ni ragag nge aningeg ko bin m’on e pul.

Exodus 29:39

Reb e gali pifak e saf ney e ngam pi’ ni maligach ni kadbul ma reb e blayal’.

Exodus 29:41

Me blayal’ mu kum pi’ e bin kabay e saf ni maligach, ni ku ta’reb oren e flour, nge gapgep ni olive, nge wayin riy ni bod e bin kadbul. Ran’ey e ba ggan ni ngan ognag ngog, I Gag SOMOL, ma bon e re maligach ney e bfel’ u wun’ug.

Joshua 5:10

Nap’an nike par piyu Israel u Gilgal u daken fa gi tafelfel’ nib chugur nga Jeriko, miyad madnomnag e madnom ko Paluk’af ko re nep’ i n’en ni ragag nge aningeg fen e pul.