Exodus 12:5 - Bible Ni Thothup

⁵ Ngam mel’egged ba saf ara ba kaming ni pumo’on, ni ta’reb e duw rok ma dariy bang u downgin nib kireb.

Exodus 12:5 Referans Kwoze

Malaki 1:14

Nge kireb wa’athan e en nra sasaliyeb nge li’ ba gamanman ni gathi rib fel’ nge pi’ ngog ni maligach, ma bay reb e gamanman ni bfel’ u fithik’ e gamanman rok nike micheg ngog ni nge pi’ ngog. Ya gag e pilung ni ga’, girdi’ nu gubin e nam e bay madgug u wun’rad.”

Deuteronomy 17:1

“Dab mu pi’ed e garbaw fa saf ni maligach ngak SOMOL ni Got romed ni bay bang u downgin nib kireb; ya dabun SOMOL.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Levitikus 23:12

Ma rofen nem ni gimed ra pi’ fapi grain e ngkum pi’ed ba fak e saf ni pumo’on ni ta’reb e duw yangren ni dariy bang u downgin nib kireb ni maligach ni mo’oruf.

Levitikus 1:10

Fa’anra nge pi’ facha’ reb e saf fa reb e kaming rok, ma dabisiy nib gamanman ni pumo’on ndariy bang u downgin nib kireb.

Levitikus 1:3

Fa’anra reb e garbaw rok e nge pi’ ni fare maligach ni mo’oruf, ma thangri fek i yib ba garbaw ni pumo’on ndariy bochyang u downgin nib kireb. Thangri pi’ ni maligach u langan e mab ko fare Tent u p’eowchen SOMOL, ya nge yag ni fel’ fa’anem u wan’ SOMOL.

1 Samuel 13:1

Ka ba pagel Saul me mang pilung nu Israel, me gagiyegnag yu Israel ni l’agruw e duw.

Exodus 12:4

Ma fa’anra ba’ reb e tabinaw nib lich e girdi’ riy ndabiyag ni ngar longuyed reb e gamanman ni go’ yad, ma ngar cheaggad ko re tabinaw ni yad bbuguliyoror, ngar paged e f’oth ko fare gamanman ni oren e tin nrayag ni kay be’ ni be yan u rogon urngin e girdi’ ko fa gal tabnaw.