Exodus 12:32 - Bible Ni Thothup

³² Mfeked e saf nge kaming nge garbaw romed ngam marod, ni bod rogon ni kam wenig nigew ngog. Miki gimew meybil ngak SOMOL nge ayuwegneg.”

Exodus 12:32 Referans Kwoze

Exodus 10:26

Gamanman romad e thingar ra uned ngomad; ndariy ta’reb ni ngan pag u roy. Gamad e nggu mel’eged e pi gamanman ni ir e nggu pi’ed ni maligach romad ngak SOMOL ni Got romad; ya gamad ra taw ngaram ma dab gu nanged e pi gamanman ni nggu maligach niged ngak.”

Genesis 27:34

Fa’ani rung’ag Esau ni aram rogon, me pag laman ngalang nge yor me ga’ar, “Chitamag, kum yibilayeg!”

Exodus 10:9

Me fulweg Moses ni ga’ar, “Gamad gubin ni nggu warod, nra un pifakmad nge pilibthir romad; bayi un ngomad pifakmad ni pumo’on, nge ppin, nge pi saf, nge pi kaming, nge pi garbaw ni fakmad, ya thingar gu ngongliyed ba madnom ni fan ngak SOMOL.”

Exodus 9:28

Mmeybilgow ngak SOMOL, nge taleg e re yoko’ ney ni ba’ e dirra’ u fithik’ nge ayis nike el. Bay gu pagmed ngam marod; ndab kum pired.”

Exodus 8:28

Me ga’ar Farao, “Bay gu pagmed ngam marod mu pi’ed e maligach ngak SOMOL ni Got romed u lan e ted ni desert, ni fa’anra de palog e gin ngam marod ngay. Ere mpi’ e meybil rog.”

Genesis 27:38

Me par Esau ngi i wenig ngak e chitamngin ni be ga’ar, “Mog, kari mus ni ta’reb e meybil ni bay rom?” Me ga’ar, “Chitamag, kum yibilayeg,” me pag laman ngalang nge yor.

Genesis 15:14

Machane bay gu gechignag e re nam ni yad ra yodorom nagrad, ma bo’or e machaf ni yad ra chuw ko re nam nem miyad fek.

Ezra 6:10

Thingar ni rin’ ni aray rogon ya nge yag nra pi’ed e maligach ni bfel’ u wan’ fare Got nu tharmiy, miyad meybilnag e fel’wa’athan nga dakenag nge ngak pifakag ni pumo’on.