Exodus 12:31 - Bible Ni Thothup

³¹ Ka re nep’ i n’em me l’oeg Farao e thin nge yan ngak Moses nge Aron ni ngarbow ngak, me ga’ar ngorow, “Gimew nge piyu Israel e ngam gurgad ngam chuwgad u Egypt; mu chuwgad u fithik’ e girdi’ rog ngam marod ngam meybilgad ngak SOMOL, ni bod rogon ni kam wenig nigew ngog.

Exodus 12:31 Referans Kwoze

Exodus 6:1

Me ga’ar SOMOL ngak Moses, “Chiney e bay mu guy e n’en ni bay gu rin’ ngak Farao. Bay gu gel nigeg ngak nge pagrad ngranod. Ara’ rogon, bay gu gel nigeg ngak nge mang ir e yog ngorad ni ngar chuwgad u daken e nam rok.”

Psalms 105:38

Fa’anra chuwgad ngranod me felan’ yu Egypt, ya ke tamdag yu Egypt ngorad.

Exodus 10:9

Me fulweg Moses ni ga’ar, “Gamad gubin ni nggu warod, nra un pifakmad nge pilibthir romad; bayi un ngomad pifakmad ni pumo’on, nge ppin, nge pi saf, nge pi kaming, nge pi garbaw ni fakmad, ya thingar gu ngongliyed ba madnom ni fan ngak SOMOL.”

Exodus 8:8

Me pining fare pilung Moses nge Aron, me ga’ar, “Mu meybilgow ngak SOMOL nge chuweg e pi kayru ney, ma aram mu gu pag e girdi’ romew ngranod, nge yag nra pi’ed e maligach rorad ngak SOMOL.”

Exodus 11:8

Me ul’ul Moses ngay nge ga’ar, “Ma urngin e pi tolang rom e bay rabad ra siro’gad ngog, miyad wenig ngog ni nggu fek gubin e girdi’ rog ngu wan. Ma aram e bay gu wan.” Me chuw Moses rok Farao nge yan ni kari damumuw.

Exodus 10:29

Me ga’ar Moses, “Ke par riy ni bod ni kamog! Dabki sabol owchedow bayay.”

Exodus 8:25

Me pi’ Farao e thin nge yan ngak Moses nge Aron ni ngarbow ngak, me ga’ar ngorow, “Mmarod, ngam pied e maligach ngak e Got romed u bang u lan e re nam ney.”

Exodus 11:1

Me ga’ar SOMOL ngak Moses, “Ri ka ta’reb e gechig ni nggu pag nga daken Farao nge piyu Egypt. Ma nap’an nra mu’, ma aram e bayi pagmed ngam marod. Nap’an nra pagmed ngam marod, ma ri gimed gubin nra chuwegmed u roy.

Exodus 12:39

Ra lithed e flowa nda nin’ e is ngay nra feked ko fapi flowa ni kan gelgiy u Egypt, ni bochan e nog ngorad nib tomgin ni ngar chuwgad u Egypt. Ere dakiyag nra ngongliyed e ggan ara ra ngongliyed ni bay e is riy.

1 Samuel 6:6

Dab mu gel niged lanin’med ni bod ni rin’ Farao nge girdi’ nu Egypt. Dab mpaged talin nga rogon ni gagiyeg nagrad Got ngar ngongolgad nga fithik’ e balyang, ma fin ngiyal’ nra paged piyu Israel ngar chuwgad u Egypt e dakur yodoromgad.