Exodus 12:29 - Bible Ni Thothup

²⁹ Me lukngun e nep’ me thang SOMOL e pogofan rok urngin e tin nganni’ i fakey ni pumo’on u Egypt, ni mus rok e bin nganni’ e pagel ni fak Farao ni ir e ra yan nga luwan Farao nge mada’ ko bin nganni’ e pagel ni fak ba kalbus ni bay u kalbus; ma ku er rogon ni urngin e tin som’on u pifak e gamanman nli’rad.

Exodus 12:29 Referans Kwoze

Psalms 78:51

Me thang owchen e tin nganni’ i fakay ni pumo’on u gubin e tabnaw nu Egypt.

Exodus 4:23

Kugog ngom ni ngam pag fakag nge yan, ni fan e nge yag ni meybil ngog, machane kam siyeg. Ere bay gu thang e pogofan rok e bin nganni’ i fakam.’

Psalms 135:8

I thang owchen gubin e tin nganni’ u fakay u lan yu Egypt ni girdi’ nge gamanman ni ta’reb rogon.

Psalms 105:36

Me li’ urngin e tin nganni’ e bitir ni pumo’on ko tabinaw nu Egypt ni gubin.

Psalms 136:10

I li’ e tin nganni’ e pagel u pifak piyu Egypt; t’ufeg rok e ba manemus.

Numbers 8:17

Nap’an ni gu thang e pogofan rok gubin e tin ba nganni’ e pumo’on ni pifak yu Egypt, mu gu fael ngabang ni aram e ke milfan ngog e tin ba nganni’ e pumo’on u pifak gubin e tabnaw nu Israel, nge tin ba nganni’ u pifak urngin e gamanman rorad.

Exodus 12:12

“Ra taw ko re nep’ nem ma bay gu wan u lan e nam nu Egypt nggu thang e pogofan rok urngin e tin nganni’ i fakey ni pumo’on, ni girdi’ nge gamanman. Bay gu gechignag urngin e pi got rok yu Egypt. I Gag SOMOL.

Hebrews 11:28

Ma michan’ rok ngak Got e pow’iy nge sunumiy fare madnom ni Paluk’af nge yog ni ngan wereg e racha’ nga daken e mab, ni fan e fare Engel ni nge thang e pogofan e nge dabi li’ e bitir ni pumo’on ni tin th’abi ilal u fithik’ pifak piyu Israel.

Numbers 33:4

ko ngiyal’ ni be k’eyag yu Egypt e tin nganni’ e pagel u pifakrad ni SOMOL e ke thang e pogofan rorad. Iip aramrogon, ni dag SOMOL nib gel gelngin ngak e pi got rok yu Egypt.

Exodus 13:15

Ya nap’an ni gelnag e pilung nu Egypt laniyan’ me yog ndabi pagmad nggu warod, me thang SOMOL e pogofan rok e tin ba nganni’ e bitir ni pumo’on u lan fare nam nu Egypt, ni ta’reb rogon e girdi’ nge gamanman. Aram fan ni gadad ma pi’ ni maligach ngak SOMOL urngin e tin ba nganni’ e pumo’on u fak e gamanman rodad, ma gadad ma chuw’iy bayay rok e tin ba nganni’ e pumo’on u pifakdad.

Hebrews 12:23

Kambad ko fare mu’ulung ni yibe felfelan’ riy, ni mu’ulung rok e tin ni nganni’ u pifak Got, ni kan yoloy fithingrad u tharmiy. Kambad ngak Got, ni ir e tapufthin rok e girdi’ ni urngin, nge pi’in yad bmat’aw ni kan ngong liyrad kar fel’gad ni yad bay u tharmiy.

Zekariah 9:11

Be ga’ar SOMOL, “Bochan fare m’ag ni kug ngongliy u thildad, ni racha’ ko pi maligach e ke micheg, aram fan ni ribay gupag e girdi’ romed ngar chuwgad u pa’ e to’ogor rorad, ngar chuwgad u lan fare low ni mlik’ nra kalbusgad riy u wuru’ e nam.

Jeremiah 38:13

miyad girngiyeg ngalang ngar chuweged gag u lan fare luwed. Tomuren e biney mi ni pageg nggu par u lan e yoror.

Jeremiah 38:6

Miyad fekeg ngar nguchruyed gag ngalan ba luwed ni fen Malkiah nib mo’on ni fak e pilung, re luwed nem e bay u lan e yoror u tafen e pilung. Ma dariy e ran u lan e re luwed nem, kemus ni rungdu’ e bay u t’ay, mu gu chur nga fithik’ e rungdu’.

Isaiah 51:14

Pi’in yad ba kalbus e dabki n’uw nap’an mi ni pagrad; bay ra pired ko re fayleng ney nib n’uw nap’an me yag ngorad urngin e ggan nib t’uf rorad.

Isaiah 24:22

I Got e bayi puthuy e pilung nga ta’bang ni bod e kalbus u lan ba low. Me ning e kalbus ngorad nge mada’ ko ngiyal’ ni ngan gechig nagrad.

BABYOR NI JOB 34:20

Rayag ni nge yim’ be’ nib tomgin nnep’. Got e ma gad pa’ ko girdi’ ngarm’ad; de mom’aw ngak ni nge thang e fan rok e pi madangdang.

Exodus 9:6

Ma reb e rran riy me rin’ SOMOL ni bod rogon ni yog, me yim’ urngin e gamanman rok piyu Egypt, machane dariy reb e gamanman ni fak piyu Israel ni yim’.

Exodus 12:28

Me yan piyu Israel miyad fol riy; ya ra ngongliyed e tin nike yog SOMOL ngak Moses nge Aron.

Psalms 78:50

Da ki luf bang ko damumuw rok ara ayweg e pogofan rorad, i li’rad ko gechig ni pag ngorad.

Habakkuk 3:5

Ke l’oeg e liliy ke yib ni be m’on rok; ma ke non ngak e yam’ ni nge lek.

Genesis 15:14

Machane bay gu gechignag e re nam ni yad ra yodorom nagrad, ma bo’or e machaf ni yad ra chuw ko re nam nem miyad fek.

Exodus 11:1

Me ga’ar SOMOL ngak Moses, “Ri ka ta’reb e gechig ni nggu pag nga daken Farao nge piyu Egypt. Ma nap’an nra mu’, ma aram e bayi pagmed ngam marod. Nap’an nra pagmed ngam marod, ma ri gimed gubin nra chuwegmed u roy.

Isaiah 41:11

“Pi’in yad be damumuw ngom e bayi m’ayfarad miyad par ni ka ra tamra’gad. Pi’in yad ra cham ngom e yad ra yim’.