“Mu leam niged e som’on, ko fangiyal’ ni kakrom, mu fithed e chitamangimed nge weliy ngomed murung’agen e tin ni m’ug e ngiyal’nem, mu fithed e pilibthir nge weliy ngomed murung’agen e kakrom.
Gallibthir, dab um puwan’gad ngak pifakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’ nagrad nrogon, mi gimed fonow nagrad nrogon girdi’en Kristus.
Mi gimed fil ngak pifakmed. Mu weliyed ngorad ko ngiyal’ ni gimed bay u tabnaw, nge ngiyal’ ni gimed bay u milekag, nge ngiyal’ ni gimed be toffan, nge ngiyal’ ni gimed be maruwel.
Mu filed ngak pifakmed; um weliyed murung’agen ngorad ko ngiyal’ ni gimed bay u tabinaw nge ngiyal’ ni gimed be milekag, nge ngiyal’ ni gimed be toffan nge ngiyal’ ni gimed be maruwel.
Re gi manileng nem nib k’iy ngalang e gubin ngiyal’ ni bay nga m’on rok piyu Israel ni rran, me nep’ ma fare nifiy nib k’iy ngalang e bay nga m’on rorad.
ma fan e nge yag ni mu weliyed ngak pifakmed nge fak pifakmed nga rogon ni gu balyangnag piyu Egypt ko ngiyal’ ni gu ngongliy fapi maang’ang u fithik’rad. Ma gimed gubin ni bay mu nanged ni gag SOMOL.”
A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:
