Exodus 12:25 - Bible Ni Thothup

²⁵ Ma nap’an ni gimed ra yan ngalan e re nam ni bayi pi’ SOMOL ngomed, ni bod rogon nike yog ni bay rin’, ma thingar um rin’ed e pin’ey.

Exodus 12:25 Referans Kwoze

Exodus 3:17

Ma kug turguy ni nggu fekrad nga wuru’ yu Egypt, ni ireram e gin yibe gafgow nagrad riy, nggu fekrad nga ba nam nib madnom ma ba yong’ol e but’ riy — ni fare nam rok yu Kanaan, ngu Hitt, ngu Amor, ngu Periz, ngu Hiv, nge yu Jebus.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Exodus 12:24

Thingar mu folgad ko pi motochiyel ney, ni gimed nge pifakmed ma nge par riy ni aray rogon i yan ni dariy n’umngin nap’an.

Exodus 12:26

Mra fithmed pifakmed ko mangfan e pin’ey,

Exodus 13:5

Kri micheg SOMOL ngak e pi chitamangimed ni kakrom nra pi’ ngomed e binaw rok piyu Kanaan, Hitt, Amor, Hiv nge piyu Jebus. Nap’an e ra fekmed SOMOL i yan ngalan fare binaw nib madnom mab yung’ol but’an, ma thingar um madnom niged e re rran ney u lan e bin som’on e pul ko yu duw.

Exodus 13:10

Ngu’um madnom niged e re madnom ney u ta’ab ngiyal’ u gubin e duw.