Exodus 12:24 - Bible Ni Thothup

²⁴ Thingar mu folgad ko pi motochiyel ney, ni gimed nge pifakmed ma nge par riy ni aray rogon i yan ni dariy n’umngin nap’an.

Exodus 12:24 Referans Kwoze

Exodus 12:14

Re rran nem e nge par ni puguran ngomed; thingar um madnom niged ni gimed be tayfan SOMOL. Thingar mu madnom niged ni gubin e mfen ni nge par nib madnom ndab ni pag.”

Exodus 12:17

Ngu’um madnom niged e re madnom ney ni yibe kay e flowa ni dariy e is riy, ya irera’ e rofen ni gu fekmed nga wuru’ yu Egypt ni aram fenmed pire’. Um madnom niged e re rran ney ni urngin e mfen ndab mu paged.

Exodus 12:25

Ma nap’an ni gimed ra yan ngalan e re nam ni bayi pi’ SOMOL ngomed, ni bod rogon nike yog ni bay rin’, ma thingar um rin’ed e pin’ey.

Exodus 13:5

Kri micheg SOMOL ngak e pi chitamangimed ni kakrom nra pi’ ngomed e binaw rok piyu Kanaan, Hitt, Amor, Hiv nge piyu Jebus. Nap’an e ra fekmed SOMOL i yan ngalan fare binaw nib madnom mab yung’ol but’an, ma thingar um madnom niged e re rran ney u lan e bin som’on e pul ko yu duw.

Exodus 13:10

Ngu’um madnom niged e re madnom ney u ta’ab ngiyal’ u gubin e duw.