Exodus 12:16 - Bible Ni Thothup

¹⁶ Bin m’on e rran, nge ku bayay ko chirofen ni gaman e medlip e ngam mu’ulunggad ngam liyorgad ngak SOMOL. Dariy e maruwel ni ngan ngongliy ko pi rran nem, machane ngam ngongliyed e ggan ni nge kay urngin e girdi’.

Exodus 12:16 Referans Kwoze

Numbers 28:18

Bin som’on e rran ko fare madnom e ngam mu’ulunggad ni fan ko liyor, ma dariy ba maruwel ni ngan rin’.

Numbers 28:25

Mu gakgad ngam liyorgad u ta’bang ko bin medlip e rran ma dab mu rin’ed ba maruwel.

Exodus 16:23

me ga’ar ngorad, “Ba’aray e thin nike yog SOMOL ni be ta’chiylen ni gabul e ba thothup ni ngan toffan, ni ngan tay ni birok SOMOL e rran. Mu urfiyed e tin gimed ba’adag ni ngan urfiy, mi gimed lith e tin gimed ba’adag ni ngan lith. Ma tin ke magey e ngan tay ngabang ni fen e gabul.”

Numbers 29:12

Mmokungad nga ta’bang ni fan ko liyor ko rofen ni ragag nge lal ko bin medlip e pul. Ngam madnom niged e biney e madnom ni ngan liyor ngak SOMOL riy ni medlip e rran ma dab ni rin’ ba maruwel.

Numbers 29:1

U lan e bin ni som’on e rran ko bin medlip e pul e ngam mu’ulunggad ni fan e liyor, ma dariy ba maruwel ni ngan rin’. Rofen nem e ngu’un thoy e rappa’.

Levitikus 23:35

Rofen ni som’on e ngam mu’ulunggad ni ngam ted fan SOMOL, ma dab mu ngongliyed e maruwel ni gimed ma ngongliy ko yu rran.

Levitikus 23:21

Rofen nem e dab mu ngongliyed e maruwel romed ko yu rran, ya ngam mu’ulunggad ngam ted fan SOMOL. Ren’ey e nggi’i rin e pi’in owchamed e chiney i yan ngaram, ndemturug e gin yad be par riy.

Exodus 20:10

machane bin medlip e rran e rran ko toffan ni kan ognag ngog. Re rran nem e dariy be’ nra maruwel — ni gur, nge pifakam, nge pi sib rom, nge gamanman rom, ma ku arita’ e girdi’ nu bang nma par u lan e binaw romed.

Exodus 16:29

Dab mpaged talin ni Gag SOMOL e kug pi’ ngomed fare rran ko toffan; aram fan ni chirofen ni nel’ fen e maruwel e gu be pi’ ngomed e ggan ni nge yag ngomed u l’agruw e rran. Ya ra be’ ma nge par ko gin bay riy ko chirofen ni medlip; ma dariy be’ ni nge pag e tabinaw rok e rofen nem.”

Exodus 16:5

Ma rofen nra gaman nel’ e rran ngay e ngar kunuyed gonap’an e l’agruw yay ni yad ma kunuy u reb e rran ngar fal’eged rogon nge par.”

John 19:31

Me wenig piyu Israel ngak Pilate ni nge pagrad ngar t’ared e yil u ay fa dalip i pumo’on ni kan tayrad ni ngarm’ad, nge mu’ miyad lufrad nga but’ ko fa dalip i kuruth. Ri yodoro’gad ya rofen nem e lal fen e maruwel, ma daburad nra par downgin fa picha’ u daken e kuruth ko chirofen ni Sabbath, ya re Sabbath nem ni nge yib e rib thothup.

Exodus 34:18

“Thingar um ayuweg fare Madnom ko Flowa Ndariy e Is Riy. Ni bod rogon ni kugog ngom, thingar mu koy e flowa ni dariy e is riy ni medlip e rran ko pul ni Abib, ya lan e re pul i n’em e mu chuw u lan yu Egypt.

Deuteronomy 16:8

Ma nel’ ni migid e rran e ngu’um ked e flowa ndariy e is riy, ma rofen ni medlip ngay e ngam mu’ulunggad ngam liyorgad ngak SOMOL ni Got romed, ma dariy ba maruwel ni gimed ra ngongliy e rofen nem.

Isaiah 1:13

Dariy gam’ingin e pin’en ni gimed be pi’ ngog. Kar gu dabuy bon e incense ni gimed be urfiy. Dabkiyag ni gu kadan’ug ko pi Madnom ko M’ug e Pul, nge pi Sabbath romed, nge pi mu’ulung ni gimed be tay ni fan ngog; urngin nike kireb ni bochan e denen romed.

Numbers 28:26

Re rran ni m’on ko Madnom ko T’ar Wom’ngin e Woldug, e aram e rofen ni ngam pi’ed fare maligach ni grain ni kab be’ech ngak SOMOL, ma gimed e ngam mukun gad nga ta’bang ni fan ko liyor, ma dariy ba maruwel ni ngan rin’.