Exodus 12:12 - Bible Ni Thothup

¹² “Ra taw ko re nep’ nem ma bay gu wan u lan e nam nu Egypt nggu thang e pogofan rok urngin e tin nganni’ i fakey ni pumo’on, ni girdi’ nge gamanman. Bay gu gechignag urngin e pi got rok yu Egypt. I Gag SOMOL.

Exodus 12:12 Referans Kwoze

Numbers 33:4

ko ngiyal’ ni be k’eyag yu Egypt e tin nganni’ e pagel u pifakrad ni SOMOL e ke thang e pogofan rorad. Iip aramrogon, ni dag SOMOL nib gel gelngin ngak e pi got rok yu Egypt.

Exodus 12:23

Ya ngiyal’ ni bay yan SOMOL u lan yu Egypt ni nge thang e fan rok piyu Egypt, e bayi guy e racha’ u daken langan e mab ngu daken ruw raba’ i langan e mab, ma dabi pag e Engel ko Yam’ nge yib ngalan e naun romed nge thang e pogofan.

Zefaniah 2:11

Bayi k’aring SOMOL e marus ngorad. Bayi sobut’eg e pi got nu fayleng nge m’ayfarad, ma aram e gubin e nam ni bay ra meybilgad ngak, ko gin’en ni yad bay riy.

Ezekiel 12:16

Gu ra pag in i yad nge par ni dabi yim’ u fithik’ e mael, ara uyngol, ara liliy, ya fithik’ e pi nam i yan e ngar nanged riy feni sonogor pangrad. Ma bay ra nanged ni Gag SOMOL.”

Jeremiah 43:13

Bay i kirebnag fapi malang ni gang’ ni yima meybil ngay u Heliopolis u lan yu Egypt me urfiy nga but’ e pi tempel ko pi got nu Egypt.”

Isaiah 19:1

Irera’ e thin u murung’agen yu Egypt. I SOMOL e ke yib ni nge yib nga Egypt, ni be yib u daken bang i manileng nib papey. Ma fapi liyos nu Egypt e be duru’ u puluwon, ma ke mulan’ e girdi’ nu Egypt.

Psalms 82:6

Gu be ga’ar, ‘Gimed e pi got, ni gimed gubin ni pifak e en Th’abi Tolang.’

Psalms 82:1

Got ni par nga tagil’ u lan e mu’ulung ko girdi’en e tharmiy; me yog e n’en ke duwgiliy u langgin fare mu’ulung ko pi got ni ga’ar:

Exodus 6:2

Me welthin Got ngak Moses ni ga’ar, “I gag SOMOL.

Amos 5:17

Be ga’ar SOMOL, “Bay un yor u fithik’ urngin yang e milay’ ni grape, ya bay gub ni ngug gechig nagmed.”

1 Kronicles 14:12

Nap’an ni mil piyu Filistia miyad digey e pi liyos rorad, me pi’ David e thin ni ngan urufiy ni gubin.

1 Samuel 5:3

Me yan i reb e rran riy nri kab kadbul me guy e girdi’ nu Ashdod ni fare liyos ni ya’an Dagon e ke thig nga but’ nib paraw u m’on ko fare Kahol ko M’ag rok SOMOL. Ma ranod ra feked u but’ ngar fulweged nga tagil’.

Exodus 22:28

“Dab mu yabi’iy Got, ma dabmog ni nge buch wa’athan e cha’ nma gagiyeg nagmed.

1 Samuel 6:5

Thingar mu ngongliyed ya’an e bir ni be gafgow nagmed nge boro’ ni be tagannag ban’en u lan e nam romed, ma thingar mu ted fan fare Got nu Israel. Sana ra tal ndabki gechig nagmed nge pi got romed nge nam romed.

Exodus 21:6

Ma aram ma nge fek e masta fare sib i yan nga mit Got u tagil’ e meybil. Me sak’iynag nga dow e ren u langan e mab nge kuruf tel. Ma aram e nge sib rok fare masta u n’umngin nap’an e yafos rok.

Exodus 18:11

Kugnang e chiney ni fare SOMOL e ri kab ga’ ngak urngin e pi got, ya nap’an ni be gafgownag e girdi’ nu Egypt piyu Israel miyad be changar ngorad nga but’ me rin’ ban’en ni ara’rogon.”

Psalms 135:8

I thang owchen gubin e tin nganni’ u fakay u lan yu Egypt ni girdi’ nge gamanman ni ta’reb rogon.

Jeremiah 43:12

Bay gup’ e nifiy ko tempel rok fapi got nu Egypt, ma fare pilung nu Babylon e reb e ra urfiy fapi got fa reb e ra chuweg fapi got. Bod ba tagafal saf nra feked e mad rorad nike chuw e yanuk riy, e aram rogon fare pilung nu Babylon nra pug fare but’ nu Egypt ngalang nike be’ech ma aram me yan nike gel.

Jeremiah 46:25

I SOMOL ni Gubin ma Rayag Rok, ni fare Got rok yu Israel e be ga’ar, “Nggu wan nggu gechignag Amon, ni fare got nu Thebes, nib mu’un yu Egypt nge pi got nge pi pilung riy ngay. Nggu wan gu fek e pilung nu Egypt nge gubin e pi’in kar ted e pagan’ rorad nga daken,

Exodus 9:6

Ma reb e rran riy me rin’ SOMOL ni bod rogon ni yog, me yim’ urngin e gamanman rok piyu Egypt, machane dariy reb e gamanman ni fak piyu Israel ni yim’.

Psalms 91:7

Rayag ni nge aw bbiyu’ e girdi’ u to’obem nga but’ ni karm’ad, fa ragag biyu’ u gubin yang u to’obem, machane gur e dabi buch ban’en rom.

Psalms 95:3

Ya SOMOL e ba Got ni gubin ma rayag rok, ir ba pilung nib gel ngak urngin e pi got.