Exodus 11:8 - Bible Ni Thothup

⁸ Me ul’ul Moses ngay nge ga’ar, “Ma urngin e pi tolang rom e bay rabad ra siro’gad ngog, miyad wenig ngog ni nggu fek gubin e girdi’ rog ngu wan. Ma aram e bay gu wan.” Me chuw Moses rok Farao nge yan ni kari damumuw.

Exodus 11:8 Referans Kwoze

Daniel 3:19

Mri damumuw Nebukadnezzar me row owchen nike damumuw ngak Shadrak nge Meshak nge Abednego. Me yog ngak e salthaw rok ni ngar gel niged e nifiy u lan fare tafen e nifiy ni medlip yay gelngin e gowel ni nge mun ngay.

Ezekiel 3:14

Fa’ani yib gelngin SOMOL nga dakenag nib elmirin, me fekeg fare kan thothup rok Got, me yib e kireban’ ngog nge damumuw.

Revelation 3:9

Mmotoyil! Fare ulung i girdi’ nib mil farad ku Satan, ni fapi cha’ ni yad be lifith l’ugunrad ma yad be yog ni yad piyu Israel machane gathi aram rogon e bay gu gagiyeg nagrad ngarbad ra parawgad nga but’ ngar siro’gad ko rifrif u em. Ma yad gubin ni bay ra nanged ni gab t’uf rog.

Mark 3:5

Me ere i changar Jesus u owcherad i yan nike puwan’, machane ku errogon ir nike kireban’ ngorad nga farad gelan’ nga fithik’ e balyang. Me ga’ar ngak facha’, “Mu k’iyag pa’am.” Me k’iyag pa’, ma aram me manigil pa’ nge sul ngarogon.

Isaiah 49:26

Bay gu gagiyegnag e pi’in yad be gafgow nigem nge mang yad e ur li’ed yad; gelngin e mathang pogofan nge damumuw ni bayib ngorad e bay ra balyanggad ngay ni gowa karm’ad ko rrum. Ma aram e gubin e girdi’ e bay ra nanged ni Gag e SOMOL, ni gag e gu chuwegmed u pa’ e to’ogor romed. Bay ra nanged ni gag fare Got nu Israel nib gel gelngig.”

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Psalms 6:1

SOMOL, dab mu puwan’ ngog ni ga ba damumuw, ma dab mu gechig nigeg u fithik’ e damumuw.

2 Kings 3:9

Ma aram me yan Joram ni Pilung nge fagali pilung nu Judah ngu Edom. Mranod ni medlip e rran, me m’ay e ran rorad, mdakuriy boch ni magey ni fan ngak e pi salthaw nge fapi gamanman ni yad be fek e chugum.

1 Kings 20:10

rok Benhadad: “Gu ra fek urngin e pumo’on ni ba gaman ni nge gathay e re binaw rom nir miyad fek chabungen ngalan pa’rad. Mang e yigi li’eg e pi got nggum’ ni fa’anra dab gu rin’.”

Judges 8:5

Me wenig ngak e pumo’on ko binaw nu Sukkoth ni ga’ar, “Wenig ngomed, mu pi’ed boch e flowa ngak e salthaw rog. Ya ke aw porowrad, ma gu be lol’oeg Zebah nge Zalmunna, ni yow e pilung rok piyu Midian.”

Judges 4:10

Me ulunguy Barak e ganong rok Zebulun nge Naftali nga Kedesh, ma 10,000 e pumo’on e ra uned ngak. Me un Deborah ngak.

Deuteronomy 32:24

Bay ram’ad ko bilig nge m’ar ni gawel u dakeney; nge pi liliy ni ubchiya’. Bay gu l’oeg e gamanman ni malboch ngi i cham ngorad, nge porchoyog nib yub nge k’adrad.

Deuteronomy 29:24

Ma aram e ga’ngin e fayleng ni bay ra fithed ni lungurad, ‘Mangfan nike rin’ SOMOL e ren’ey ko nam rorad? Mang tapgin ni kari damumuw?’

Numbers 12:3

Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.

Hebrews 11:27

Michan’ rok Moses ngak Got e ir e pow’iy Moses nge yan nge chuw u Egypt nde tamdag ngak e pilung nu Egypt nike damumuw; ma de sul nga Egypt, ni bochan e gowa ke guy fare Got ndab ni guy nga owchey.

Exodus 10:29

Me ga’ar Moses, “Ke par riy ni bod ni kamog! Dabki sabol owchedow bayay.”

Nehemiah 5:6

Nap’an ni gu rung’ag e gun’gun’ ni yad be tay, me yib e damumuw ngog