Exodus 10:6 - Bible Ni Thothup

⁶ Bay ra suguyed lan e pi naun rom nge lan e naun rok e pi tolang ni bay u tan paam nge naun rok e girdi’ ko nam rom ni gubin. Ra yan i par ni ir e th’abi tagan u fithik’ ban’en ni gomanga ka’a guy pi chitamam ara pi chitamngin pi chitamam nnap’an nrabad ko re nam ney.’” Me cheal Moses nge chuw rok Farao.

Exodus 10:6 Referans Kwoze

Exodus 8:21

Fa’anra dab mu pag e girdi’ rog ngranod, ma nggog ngom ni bay gu pi’ e lal nge yib ngom, nge ngak e pi tolang ni yad bay u tan pa’am, nge ngak e girdi’ ko nam rom, nge ngalan e pi naun rom, nge ngalan e’pi naun rok piyu Egypt, nge mus nga daken e gi but’ ni yad ba sak’iy riy ni bayi sug ko lal.

Exodus 8:3

Bayi sug e lul’ ni Nile ko kayru; ma bay ra chuwgad u lan e lul’ ngranod ngalan e tabinaw rom, miyad yan ngalan e singgil ni ga ma mol riy, nge nga daken e chob rom, nge ngalan e pi naun rok e pi tolang ni yad bay u tan pa’am nge girdi’ rom, nge ngalan e nguchol rom e ngalan e th’ib rom ni th’ib ko flowa.

Hebrews 11:27

Michan’ rok Moses ngak Got e ir e pow’iy Moses nge yan nge chuw u Egypt nde tamdag ngak e pilung nu Egypt nike damumuw; ma de sul nga Egypt, ni bochan e gowa ke guy fare Got ndab ni guy nga owchey.

Joel 2:2

Ra yan i aw ni ba lumor ma ba lumolang e rofen nem, nde fel’ lanelang ma der m’ug ram’en e yal’ e re rran nem. Ma asmen’ing ni pire’ ni pire’ e yad be yan nga m’on ni bod e lumor nike upunguy e pi burey. Dariy ban’en ni ka’a ni guy ni aram rogon, ma dabki yodrom bi’id.

Exodus 11:8

Me ul’ul Moses ngay nge ga’ar, “Ma urngin e pi tolang rom e bay rabad ra siro’gad ngog, miyad wenig ngog ni nggu fek gubin e girdi’ rog ngu wan. Ma aram e bay gu wan.” Me chuw Moses rok Farao nge yan ni kari damumuw.

Exodus 11:6

Ma bay ndolo’loy u daken e nam nu Egypt ni ga’ngin ni ba ga’ lamey, ndawori yodorom bi’id, ara bay ki yodorom bayay.

Exodus 10:11

Danga’! Kemus ni gimed e pumo’on e ngam marod ngam meybilgad ngak SOMOL, ni fa’anra ireyer e tin gimed ba’adag.” Min chuwegrow u p’eowchen Farao.

Exodus 9:24

Me yib e yoko’ ni be mul e ayis nike el nga but’, ma be matmat e uluch u fithik’; ireram e re yoko’ ni th’abi ga’ nike guy yu Egypt ni ka nap’an ni ngal’ nreb e nam.

Joel 2:9

Bay rabad ni yad ba machreg ngarbad ra po’gad ngalan binaw; miyad yib u daken e yoror nga baraba’; miyad gararaw nga daken e naun, miyad yan u winda nga naun ni bod rogon e moro’ro’.

Exodus 9:18

Mu telim, re ngiyal’ i n’ey gabul e nge mul e ayis nike el u lang nib cheag e nifeng ni yoko’ ngay, ndawori guy yu Egypt ni ka nap’an ni mang reb e nam.