Exodus 10:23 - Bible Ni Thothup

²³ Me par piyu Egypt ndakiyag ni nge guy bagayad bagayad, ma dariy be’ ni chuw u naun rok ni dalip e rran. Machane gin be par piyu Israel riy e par nib rran riy.

Exodus 10:23 Referans Kwoze

Exodus 8:22

Rofen nem e bay gu tay e nug nu Goshen, ni gin be par e girdi’ rog riy, nge par ni dariy e lal riy, ni fan e ngam nang ni gag SOMOL e gu be maruwel u daken e re nam ney.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Exodus 9:4

Bay gu gagiyelnag e gamanman rok piyu Israel ko gamanman rok piyu Egypt, ya dariy reb e gamanman ni fak piyu Israel nra yim’.

Kolose 1:13

Ya ayuwegdad nge chuwegdad u fithik’ i gelngin e talumor me thapegdad ko gin nsuwon e en ni Fak nib t’uf rok,

Malaki 3:18

Girdi’ rog e bay kur guyed bayay e n’en nib thil u thilin e pi’in yad mmat’aw nge pi’in yad be ngongliy e kireb, ngu thilin e en ni be pigpig ngog nge en nder pigpig ngog.”

Joshua 24:7

Fa’anra meybilgad ngog nri aram rogon u lan ngorongorrad, mu gu gagiyegnag nge nep’ u thilrad nge piyu Egypt. Mu gu gagiyegnag e day nge yib i tharey piyu Egypt. Ka mu guyed e n’en ni gu rin’ ngak piyu Egypt. “‘Gimed e mu pired u daken e ted ni ba n’uw nap’an.

Exodus 14:20

I yib i par nga thilin e salthaw nu Egypt nge piyu Israel, me pi’ e lumor ngak yu Egypt, me pi’ e tamilang ngak yu Israel. Ma de yag ni nge chugur fa gal raba’ i girdi’ nga ta’bang e re nep’ i n’em.

Exodus 9:26

Nug nu Goshen, ni aram e gin ma par piyu Israel riy, e kemus e gin’en nde mul e ayis riy nga but’.

Amos 4:7

Gu tel e n’uw ko ngiyal’ ni kri t’uf ko pi woldug romed. Ug pi’ e n’uw nge aw nga daken reb e binaw, ma de aw nga reb. Ma bang e flang e i aw e n’uw ngay, ma bang e danga’.

Exodus 7:25

Me yan medlip e rran nga tomuren e ngiyal’ ni ba’aram ni gad SOMOL pa’ ko ran.

Exodus 8:18

Ma pi tapig e ra guyed rogon ni ngar ngongliyed ni aram rogon nge yib e lal, ma de yog rorad. Me par ni be k’ad e lal e girdi’ nge gamanman.

Exodus 8:19

Me ga’ar fapi tapig ngak fare pilung, “Pi lal ney e ngongol rok Got.” Machane me gelnag fare pilung laniyan’, nde fol ko thin rok Moses nge Aron, ni bod rogon ni yog SOMOL.