Exodus 10:21 - Bible Ni Thothup

²¹ Me ga’ar SOMOL ngak Moses, “Mpug pa’am ngalang, ngari talumor daken yu Egypt nrayag ni ngan thamiy.”

Exodus 10:21 Referans Kwoze

Jude 1:6

Mu tafinay niged fapi engel nra thum’gad nga wuru’ i mat’wunrad ni pi’ Got ngorad, miyad pag e gin ni yad ma par riy: ke tayrad Got u fithik’ e llumor u ar nike m’agrad ko chen ni dabi m’ay bi’id yad be sonnag fare Rran ni ba ga’ ni ir e bay ni gechig nagrad riy.

2 Peter 2:17

Pi girdi’ nem e yad bod e alublub ndakir yib e ran riy, ma yad bod e manileng ni be yan nagrad e nifeng nib gel; i Got e ke tay tagil’rad ko gin nrib talumor.

2 Peter 2:4

Ya fapi engel nra denengad e de ta’rad Got, ya tharbegrad nga infiyerno, ni aram e gin kan chen nagrad riy u fithik’ e lumor, yad be sonnag e Rofen ni Pufthin.

Luke 23:44

Gonap’an e ragag nge l’agruw e kolok me m’ay ram’en e yal’ ngabang me neap’ u daken e re nam nem ni polo’ nge yan i mada’ ko dalip e kolok ni mithig yal’;

Mark 15:33

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Matthew 27:45

Ma nap’an ni misiw’ me neap’ u daken fare nam ni polo’, me par ni aram rogon ndalip e awa.

Proverbs 4:19

Machane, fare pa’ i kanawo ko girdi’ ni kireb, e bod feni rumug e nep’. Bay ur dol’gad, machane dab ra guyed ko mang e be tun ayrad ngay.

Psalms 105:28

I gagiyegnag Got yu Egypt nge nep’ riy, machane de fol yu Egypt ko tin keyog.

Deuteronomy 28:29

Bay um gorbalgad ni rran ni bod be’ nib malmit, ma dabi yag ni ngam pir’eged e kanawo’ romed. Dariy ban’en ni gimed ra ngongliy nra fel’ rogomed riy. Yug bay um pired ni gubin ngiyal’ ma yi be gafgow nagmed, ma yi be moro’ro’ ngomed, ma dariy be’ nra ayuwegmed.

Exodus 9:22

Me ga’ar SOMOL ngak Moses, “Mpug pa’am ngalang, me aw e ayis nike el u lang nga daken e girdi’, nge gamanman nge urngin e woldug ni bay u milay’ u daken e nam nu Egypt.”

Jude 1:13

Yad bod e n’ew ni gagang’ ley u maday, ni be m’ug pangirad ni yima tamra’ ngay ni bod feni gagiyel e wuth ko n’ew. Yad bod e t’uf nma n’ag gil’, ma ke tay Got tagil’rad ni ngar pired u fithik’ e rumug ni yam’ ndariy n’umngin nap’an.

Eklesiastes 6:4

De fel’ ko re tir nem ni ngan gargaleg; me thimur nga fithik’ e lumor, ko gin kan pag talin.

Eklesiastes 2:14

Girdi’ nib gonop e ba tamilangan’ ko uw e gin be sor ngay, ma pi’in yad bbalyang e dar nanged.” Machane ku gu nang ni ta’ab n’en e be son nagdad ni gadad gubin.

Psalms 78:49

I k’aring e tagnan’ ngorad nib gel u mirin e damumuw rok ni pu’og, ni yib ni bogi tamal’oeg ni nge mogothgoth.

Psalms 35:6

Mang e yigi lumor me sisirgig kanawo’rad ko ngiyal’ ni be toyrad fare engel rok SOMOL!

Revelation 8:12

Me thoy e bin aningeg e engel e rappa rok. Ma ta’ab guruy ko dalip guruy i ram’en e yal’ nge pul nge t’uf e m’ay; ma ta’ab guruy ko dalip guruy ko rran e par nib talumor, ma ku errogon e neap’.

Exodus 7:19

Me ga’ar SOMOL ngak Moses, “Mog ngak Aron nge fek fa ley i sog rok nge k’iyag nga daken urngin e yupa’ i lul’, nge wol’ e ran ni ka ni ker, nge pi lupath u lan yu Egypt. Ya bayi ngal’ e ran riy ni racha’, ma gubin yang u daken e nam ni bayi par e racha’ riy, ni mus nga fithik’ e gek’iy nge pi alublub ni be yib e ran riy u fithik’ e war ngalang.”

Ezekiel 32:7

Nap’an ni gu ra kireb nagem, mu gu upnguy lanelang mu gu m’aynag ram’en e t’uf. Ma yal’ e bayi mith nga fon e manileng, me m’ay ra’en e pul.

Deuteronomy 1:30

I SOMOL ni Got romed e bayi pow’iymed, ma bayi cham ni pa’med, nri bod rogon nim guyed ni rin’ u Egypt

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

BABYOR NI JOB 5:14

ni yu gu ra lukngun misiw’ ma yad be chaman u fithik’ e lumor.