Exodus 10:15 - Bible Ni Thothup

¹⁵ Ra upunguyed daken e but’ nge talumor ni bochrad; miyad longuy urngin e tin ni magay ni de kirebnag e ayis, ni mus nga urngin e wom’ngin ni bay u ran’ e gek’iy. Dariy ban’en ni magay ni kab galunglung u ran’ ba kan e gek’iy ara woldug u daken yu Egypt ni ga’ngin.

Exodus 10:15 Referans Kwoze

Exodus 10:5

Bay ra suguyed daken e but’ nge upong ndabkiyag ni ngan guy daken e but’. Bay ra longuyed urngin ban’en nde kirebnag e ayis ni mul u lang; bay ra longuyed urngin kan e gek’iy rom.

Joel 2:25

Bay gu fulweg ngomed e n’en ke mul u pa’med u lan fapi duw ni longuy baran’ i asmen’ing e woldug romed. I gag e gu pi’ e pi asmen’ing nem ni bod baraba’ i salthaw nge yib i togopluw ngomed.

Psalms 78:46

Me pi’ Got e asmen’ing ni lokust nge longuy e woldug rorad me kirebnag e yungi flang rorad.

Exodus 10:12

Me ga’ar SOMOL ngak Moses, “Mpug pa’am nga daken e nam nu Egypt nge yib e asmen’ing. Ya bay rabad ra longuyed urngin ban’en nma tugul, ni urngin ban’en nde kirebnag e ayis nike el ni mul u lang.”

Amos 7:2

Mu gguy e pi asmen’ing nem nra longuyed urngin ban’en nib galunglung ni bay u daken e nam nge m’ay, me lungug, “SOMOL ni Th’abi Tolang, mu n’ag fan rok e girdi’ rom! Uw rogon ni ngar pired ni dab ram’ad? Ya ri yad ba’achig ma yad ba me’waer.”

Numbers 22:5

e girdi’ ni ngranod ra pininged Balaam ni be’ nib mo’on ni fak Beor ni bay u Pethor nib chugur ko lul’ ni Eufrates ni bay u lan e nam nu Amaw. Ba’aray e thin nra feked i yan ngak: “Gu ba’adag ni ngam nang ni girdi’en ba nam ni plo’ e karbad u Egypt; ma girdi’ riy e kar wergad nga gubin yang ma sana bay ra feked e nam romad.

Proverbs 30:27

Asamning ni locust: e dariy e pilung rorad, ma yad ma yutha’ nib yaram.

Joel 1:4

Asmen’ing ni pire’ ni pire’ e yib ko woldug ni nge longuy, nra chuw boch me yib boch i longuy e tin ke magey.