Exodus 1:21 - Bible Ni Thothup

²¹ Ma bochan e ba’ madgun Got u wan’ fa gal ppin ni yow ma ayuweg e gargel, me pi’ ngorow e bitir ni owcherow.

Exodus 1:21 Referans Kwoze

1 Kings 11:38

Fa’an ga ra par ni ga be fol rog, ma ga be fol ko pi motochiyel rog, ma gab fel’ u wun’ug ni bochan e ga be rin’ e tin kugog ni bod ni i rin’ e tapigpig rog i David, ma gubin ngiyal’ ni bay ug par rom. Bay gu tem ni gur e pilung nu Israel mu gu tay ni pi’in owchem e bay urbad nga luwam ngu’ur gagiyeggad, ni bod ni ku gu rin’ ngak David.

1 Samuel 2:35

Bay gu mel’eg ba prist nra yul’yul’ ngog nge rin’ gubin e tin gu ba’adag ni nge rin’. Bay gu pi’ ngak e pi’in owchen, ni gubin ngiyal’ ni bay ur pigpiggad u p’eowchen e re pilung ni gag e kug duwgiliy.

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

Eklesiastes 8:12

Be’ nib kireb e rayag ni nge rin’ e oloboch ni ra’ay yay ma ku be par nib fos. Ahh rriyul, gu manang ko mang e yad be yog: “Fa’anra um fol rok Got, ma urngin ban’en mra par ni bfel’ rogon,

1 Kings 2:24

I SOMOL e ke teg nri gub mudugil u daken e chiya ntagil’ e pilung rok e chitamag i David; ke tay e tin ni micheg nra rin’ nga tagil’ ma ke pi’ e gagiyeg ko pilung ngog nge ngak e pi’in owcheg. Kug micheg u fithingan SOMOL ni be par nib fos nra yim’ Adonijah ni ka rofen ney!”

1 Samuel 25:28

Siro’, wenig ngom mu n’agfan rog, ni fa’anra bay ban’en nib kireb ni kug rin’. Bayi tem SOMOL ni gur e pilung, ma ku errogon e pi’in owchem, ni bochan e ga be mael ni fan ngak; ma dab mu rin’ ban’en nib kireb u n’umngin nnap’an e yafos rom.

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Jeremiah 35:2

“Man ngak girdi’en fare ke girdi’ ni Rekab ngam non ngorad. Ma aram ma ga fekrad i yib ngalan fapi senggil ko Tempel ngam pi’ boch e wayin ngorad.”

Proverbs 24:3

Tabinaw e ni toy nga daken e def ni gonop nge tamilangan’.

Psalms 127:3

Bitir e ba tow’ath nma pi’ SOMOL; yad e bin riyul’ e tow’ath.

Exodus 1:17

Machane gali ppin nem ni yow ma ayuweg e ppin u nap’an e gargel e bay madgun Got u wan’row, ma aram e dar folgow rok fare pilung; mi yow pag e bitir ni pumo’on ni dar li’ew.

Psalms 112:1

Ke sorok SOMOL! Nge felan’ e en ni bay madgun SOMOL u wan’, ma rib felfelan’ ngay nma folwok ko tin keyog ni ngan rin’.