Exodus 1:13 - Bible Ni Thothup

^13-14 miyad gelnag e gafgow ngorad ko maruwel ni almarin ni yad be sib. Miyad tayrad ngu’ur toyed e naun rorad miyad be maruwel u lan e yungi flang rorad, ni danir runguyrad.

Exodus 1:13 Referans Kwoze

Deuteronomy 4:20

ma gimed e ke chuwegmed Got u lan yu Egypt ni fare tafen e nifiy nma rannag e wasay, ni fan e ngam manged girdi’en, ni bod rogon e chiney.

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Levitikus 25:43

Dab mu gafgow niged yad, mu folgad rok e Got romed.

1 Kings 12:14

Me welthin ngak e girdi’ ni bod rogon nike yog fapi pagel ngak ni yad ma puruy’ ni ga’ar, “Chitamag e tay e gilab nib tomal. I toymed ko dumow, me gag e bay ug toymed ko dumow ko garbaw!”

2 Kronicles 10:11

Mog ngorad ni ngam ga’ar, ‘Chitamag e pi’ e maruwel ngomed nib gel; ma maruwel ni gu ra pi’ e kabgel boch ngay. I toymed ko dimow, me gag e bay gu pirdi’iymed ko dimow ni fen e garbaw ni pumo’on!’”

Psalms 105:25

I gagiyegnag piyu Egypt ngar fanenikayed e tirok e girdi’, ngu’ur ban niged e pi tapigpig rok.

Proverbs 28:15

Girdi’ nib gafgow e ba waer gelingrad u puluwon ba tagagiyeg nib kireb; rogon ngorad e bod ba layon ni be tolul ni kanim’ ngak ko morus ara ba bear nike taf daken.