Ester 9:28 - Bible Ni Thothup

²⁸ Mi ni duwgiliy ni gubin e pi tabnaw rok e pi Jew u gubin e nam nge gubin e mfen i yan nga m’on e dab ra paged talin ni ngu’ur madnom niged fa gali rran ni Purim ni dariy n’umngin nap’an.

Ester 9:28 Referans Kwoze

Psalms 103:2

Lanin’ug, mu pining e sorok ngak SOMOL, ma dab mu pag talin feni gol.

Joshua 4:7

ma nga mogned ngorad ni ran ko lul’ ni Jordan e tal ndaki yan nnap’an ni yib fare Kahol ko M’ag rok SOMOL i th’ab e re lul’ nem. Pi malang ney e bay i par ni gubin ngiyal’ nib puguran ngak piyu Israel.”

Zekariah 6:14

Fare te’elyaw e ra par ni be puguran feni gilbugwan Heldai, Tobijah, Jedayah, nge Josiah u lan fare Tempel rok SOMOL.”

Exodus 12:17

Ngu’um madnom niged e re madnom ney ni yibe kay e flowa ni dariy e is riy, ya irera’ e rofen ni gu fekmed nga wuru’ yu Egypt ni aram fenmed pire’. Um madnom niged e re rran ney ni urngin e mfen ndab mu paged.

Ester 9:27

me tay e pi Jew nib motochiyel rorad nge pi’in owcherad, nge pi’in ra pachegedyad ko Jew, ni gubin e duw ko gali rran nem, ma yira madnom nrogon nike yog Mordekai ni ngu’un rin’.

Ester 9:29

Ere Ester ni Queen, ni be’ ni bpin ni fak Abihail, e cheag ngak Mordekai, ngkura yoloyew bang e babyor ni murung’agen e Purim ni yow be ta’chiylen e madnom ni Purim.

Psalms 145:4

Tin ni kam rin’ e bay ni pining e sorok riy ngom u reb e mfen ngu reb; bay ur weliyed ngan nang e pin’en nib sorom ni kam ngongliy.