Ester 9:2 - Bible Ni Thothup

² Gubin e binaw ni bay e Jew riy u lan gil’ilungun fare pilung, ma go’ ka ra fal’eged rogorad ni ngar chamgad ngak e en nge yib ni cham ngorad. Girdi’ u gubin yang e go’ rrusgad ngorad, dariy be’ ni yag ni nge togopluw ngorad.

Ester 9:2 Referans Kwoze

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

Ester 8:11

Bay ko yungi babyor nem ni be yog fare pilung ko pi Jew, nra yib e cham ngorad, ma ngar ayuweged e pogofan rorad. Demturug e re mit i girdi’ u lan fa yungi nug ni yad ra yib ni cham ngak e Jew, fa ngak pifakrad, fa ppin rorad, mra yag ni ngar chamgad ngorad ngar thanged owcherad; miyad fanay e tirorad.

Psalms 71:24

Bay ug weliy fanam yul’yul’ ni polo’ e rran, ni bochan e pi’in ur guyed rogon ni ngar maad’adgad ngog e ka ra mo’waergad nike ma’farad.

Psalms 71:13

Mang e yigi waer min thang mit e pi’in yad be cham ngog. Mang e yigun tamra min ma’fannag e pi’in yad be guy rogon ni ngar maad’adgad ngog.

Isaiah 8:9

Gimed e pi nam, mu’ulunggad nga ta’bang u fithik’ e marus! Gimed e pi nam nu fayleng ni gimed ba orel, mu telmed! Mu fal’eged rogomed ni ngam marod ko mael, machane ngam rusgad! Mu fal’eged rogomed, machane ngam rusgad!

Joshua 11:20

Ke gelnag SOMOL lanin’rad ni ngar chamgad ngak piyu Israel, ya nge aw e gechig ngorad nge thirifrad u but’ ma yad gubin ni yira li’rad ngarm’ad ndab ni runguyrad. Irera’ rogon ni yog SOMOL ngak Moses.

Joshua 2:9

me ga’ar ngorow, “Gu manang ni SOMOL e ke pi’ ngomed e re nam ney, ma nggog ngomew ni gamad gubin e re nam ney ni kug rusgad ngomed.

Deuteronomy 2:30

“Machane de pagdad Sihon ni Pilung ngdarod u lan e nam rok. Ya SOMOL ni Got romed e ke gelnag laniyan’ fare pilung be togopluw. Ni bochan e nge yag ni ngad gelgad ngak ngad tafned tafen ni ir e kagdad be par riy.

Exodus 23:27

“Bay gu tay e pi girdi’ ni yad be togopluw ngomed ni kar rusgad ngog; bay gu tay e pi girdi’ ni gimed be cham ngorad nike wagagey lanin’rad, ma bay gu gagiyegnag urngin e to’ogor romed ngar chelgad u but’ ngar milgad romed.

Genesis 35:5

Ma nap’an ni deg Jakob nge pifak ni ngranod, me yib e marus nib gel ko girdi’ nma par ko yochi binaw nib chuchugur ngaram, mdeyag ni ngar tulfedrad.