Ester 7:4 - Bible Ni Thothup4 Gamad e pi girdi’ rog e ka ni pi’mad nchuway’ ni ngan thang e fan romad. Fa’anra mang e kemus ni kan pi’mad ni chuway’ ni bod e sib, ma ku gu th’ab gulngag ndab gu magawon nigem riy; ma biney e ngan thirifmad u but’ mi ni thang owchemad!” Gade chapit la |
Girdi’en e mil e ra feked e yungi babyor ney nga gubin yang e nug u lan gil’ilungun fare pilung. Bay riy ni kanog ni rofen ni ragag nge dalip ko pul ni Adar e ngan thang e fan rok gubin e Jew, ni fel’ yangren nge pilbithirl, nge ppin nge bitir. Yira li’rad ko saydon ni dab ni runguyrad mi ni fek rorad e tin nib milfan ngorad.
Bay ko yungi babyor nem ni be yog fare pilung ko pi Jew, nra yib e cham ngorad, ma ngar ayuweged e pogofan rorad. Demturug e re mit i girdi’ u lan fa yungi nug ni yad ra yib ni cham ngak e Jew, fa ngak pifakrad, fa ppin rorad, mra yag ni ngar chamgad ngorad ngar thanged owcherad; miyad fanay e tirorad.
Gamad ta’bogi girdi’ ngak e tinef e Jew. Gathi ta’reb rogon pifakmad ngak pifakrad nga ferad fel? Machane ke yan i aw ni nggu pi’ed pifakmad ngar manged sib. Boch i pifakmad ni ppin e ka ni chuw’iyrad ni ngar manged sib. Dakriy u gelngimad ni nggu ayweged, kan fek u pa’mad e yungi flang romad nge fi’imad grape.”