Ester 2:15 - Bible Ni Thothup

¹⁵ Me taw nga nap’an ni nge yan Ester ngak fare pilung. Ester e ba rugod ni fak Abihail ni labthir rok nge labthir rok Mordekai e yow walag, ma Mordekai e ke pof Ester ni nge fakay; Ester e gubin e girdi’ nra guy maba m’agan’rad ngak. Nap’an ni taw ni nge yan, me chuw ko re mad nike yog Hegai ngak ni nge chuw ngay, ni fare eunuch nib milfan fare tafen e ppin ngak.

Ester 2:15 Referans Kwoze

Tang Ko Pitang 6:9

Ma kabm’on u wun’ug ta’reb, ni ir e bod fini pidorang ba dove. Kari mus ni ta’reb rok e chitiningin, ni ir e th’abi t’uf rok e chitiningin. Urngin e ppin ni yad ma changar ngak ma yad ma yog e sorok ngak; pi le’engin e pilung nge ku boch e ppin e yad ma yon’ tangin nib sorok.

Ester 2:3

Rayag ni nge bang e nug u tan gil’ilungum ma ga duwgiliy be’ riy ngamog ngorad ngar feked gubin e rugod nib pidorang i yib ko harem ni bay u roy u Susa, ni re binaw ni tochuch. Ma ga tayrad nga tan pa’ Hegai, ni fare eunuch ni ir e bmilfan e pi pin rom ngak, nge chamgiyrad ko falay ngari m’ug fel’ngirad.

Acts 7:10

me ayuweg nde buch ban’en rok u urngin e gafgow ni pir’eg. Fa’ani yan Josef nga p’eowchen Farao, ni pilung nu Egypt, me fal’eg Got daken Josef ngak me pi’ Got e gonop ngak Josef. Me tay Farao Josef ni nge mang am ko nam rok nge urngin girdi’en e tabinaw rok.

Ester 9:29

Ere Ester ni Queen, ni be’ ni bpin ni fak Abihail, e cheag ngak Mordekai, ngkura yoloyew bang e babyor ni murung’agen e Purim ni yow be ta’chiylen e madnom ni Purim.

Tang Ko Pitang 8:10

I gag e gu bang i rungrung, ma thuthug e wulyang riy. Adag rog e manang ni ir e gu ma pir’eg e felfelan’ nge gapas rok.

Ester 2:14

Ra blayal’ me yan e ngaram me yan i kakadbul riy min fek i yan nga reb e tafen’ e ppin ni Shaashgaz e ba milfan ngak nma ayweg, ireram e re eunuch nib milfan e pi ppin rok e en pilung ngak. Ma aram e dabki yan ko fare pilung bayay, kemus ni fa’anra fare pilung e ba’adag fare pin me yog fithingan mi ni fek i yib ngak.

Ester 2:16

U lan e re duw ni gaman e medlip e duw ngay nike pilung i Xerxes ko pul ni ragag ni aram e pul ni Tebeth mi ni fek Ester i yan ngak Xerxes ni Pilung ngalan fare naun rok.

Ester 8:1

Ka rofen nem me pi’ Xerxes ni Pilung tafen Haman ni to’ogor rok e Jew ngak Queen Ester. Me yog Ester ngak fare pilung ni Mordekai e be’ rok. Ma aram mi ni pi’ mat’wun Mordekai ngi i yan nga p’eowchen fare pilung.

Proverbs 15:33

Madgun SOMOL e ba sukul. Thingar mu sobut’ nigem u m’on ni ngan tolang nagem.