Eklesiastes 9:4 - Bible Ni Thothup

⁴ Machane en be par u lan e fayleng ko pi’in bfos e bay buchu’uw i l’agan’ rok; ba pilis nib fos e kabfel’ ngak ba layon nib yam’.

Eklesiastes 9:4 Referans Kwoze

Isaiah 38:18

Dariy ta’be’ ko fayleng ko yam’ nrayag ni pining e sorok ngom; pi’in yad ba yam’ e dabiyag ni nge pagan’rad nga fanam yul’yul’.

BABYOR NI JOB 27:8

Mang e bay nma l’agan’ e pi’in nde nang Got ngay ko re awa ni nge fek Got e yafos rorad?

Eklesiastes 9:3

Ta’ab wenegan e ra yib ngak urngin e girdi’, ran’ey e ba kireb ni bod gubin ban’en ni be buch u lan e re fayleng ney. N’umngin nap’an ni be par e girdi’ ni kabfos, ma laniyan’rad e ba sug ko kireb nge balyang, ma ba tomgin miyad yim’.

Eklesiastes 9:5

Arrogon, pi’in bfos e yad manang ni bay ram’ad, machane pi’in nib yam’ e dariy ban’en ni yad manang. Yad e dakriy e tow’ath rorad; ya kanpag talinrad.