Eklesiastes 9:3 - Bible Ni Thothup

³ Ta’ab wenegan e ra yib ngak urngin e girdi’, ran’ey e ba kireb ni bod gubin ban’en ni be buch u lan e re fayleng ney. N’umngin nap’an ni be par e girdi’ ni kabfos, ma laniyan’rad e ba sug ko kireb nge balyang, ma ba tomgin miyad yim’.

Eklesiastes 9:3 Referans Kwoze

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.

Eklesiastes 8:11

Mangfan ni girdi’ e kaygi par ni be ngongliy e kireb? Bochan e kireb e danir gechignag ni aram feni papay.

Eklesiastes 1:17

Gu duwgiliy ni nggu fil ko mang e thil u thilin e llowan’ nge balyang, nge gonop nge aliliy. Machane gu pir’eg ni ku ta’reb rogon ko gu be lol’oeg e nifeng.

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

2 Peter 2:16

machane min puwan’ ngak ko kireb nike ngongliy. Ya ba gamanman ni dongki rok e non ni bod lungun be’ nge taleg fare profet u ngonglen ni balyang.

Acts 26:24

Nap’an ni be welthin Paul ni aray rogon ni aram e be ayuweg ir, me tolul Festus ngak ni ga’ar, “Paul, kam aliliy! Kayigi gel e sukul ni kam tay ke aliliynigem!”

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Luke 15:17

Ma aram e fini sulan’ ngak me ga’ar u wan’, Urngin e girdi’ ni be pi’ e chitamag puluwrad yad be maruwel rok e pire’ garad nder m’ay i kay rorad, mi gag e ray ni nggum’ ni bochan e bilig!

Luke 6:11

Me yib e damumuw ngorad nib gel miyad tabab i puruy’nag u fithik’rad e n’en ni ngar rin’ed ngak Jesus.

Eklesiastes 12:7

Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

Eklesiastes 9:2

Dariy ban’en nib thil riy. Ka ta’ab wenegan e ra aw ngak be’ nib mat’aw’ nge be’ nib kireb, nge be’ nib manigil nge be’ nib buchan’, nge be’ nib alit nge be’ danga’, nge be’ nma pi’ e maligach rok nge be’ ni der pi’. Be’ ni bfel’ e dariy e thil rorow be nib tadenen; be’ nma micheg ban’en nge be’ ni danga’

Eklesiastes 7:25

Machane ri gu tayan’ug ngay ni nggu fil e llowan’; mu gu t’ar u wun’ug ni nggu pir’eg e gonop nge fulweg ko pi duwer rog, ma nggu nang feni kireb nge feni balyang e pinat.

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Psalms 51:5

Gub kireb ko ngiyal’ nni gargel nigeg riy ke mada’ ko chiney; chirofen nni par nigeg riy e gu bay u fithik’ e denen ke mada’ ko chiney.

BABYOR NI JOB 15:16

Gadad e gadad ma unum e kireb ni gowa ran; errogon, gadad ba kireb; dariy ban’en ni gadad bfel’ ngay.

Genesis 8:21

Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.

Acts 26:11

Bo’or yay ni gog ni ngan gechig nagrad u gubin lan tafen e mu’ulung, mu gguy rogon ni ngug gelnigeg ngorad ngrogned nde mich Jesus u wun’rad. Ug wan ko pi binaw i yan ni bay nga wuru’ yu Israel ni fan e ngug gafgow nagrad ni bochan e kar gu damumuw ngorad.

Genesis 6:5

Fa’ani guy SOMOL ni kari gel e kireb rok e girdi’ u gubin yang, ni gubin ngiyal’ ma ba sug lanin’rad ko tin nib kireb,

Eklesiastes 2:14

Girdi’ nib gonop e ba tamilangan’ ko uw e gin be sor ngay, ma pi’in yad bbalyang e dar nanged.” Machane ku gu nang ni ta’ab n’en e be son nagdad ni gadad gubin.

Eklesiastes 7:2

Kabfel’ ni ngan yan nga ba tabinaw ni yibe dololoy’ riy ko bin ngan yan nga reb ni yibe mur riy, ni bochan e pi’in ka yad bfos e thingar ur puged woran ngorad ni yam’ e gadad gubin ni be son nagdad.

Eklesiastes 9:4

Machane en be par u lan e fayleng ko pi’in bfos e bay buchu’uw i l’agan’ rok; ba pilis nib fos e kabfel’ ngak ba layon nib yam’.

Jeremiah 16:12

Machane kireb ni ka mu rin’ed e ke thum’ ngaru’ ko tin i rin’ e pi chitamangimed. Gimed gubin nib gelan’med ma ba kireb e leam romed, ma damur folgad rog.

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

BABYOR NI JOB 21:26

Machane yad gubin ni go’ yad ma yim’ ngan k’eyagrad; nge longuyrad e faklud’.

Psalms 64:7

Machane, me pag Got e gat’ing rok ngorad, miyad maad’ad nib tomgin.

Eklesiastes 9:11

Ku gu nang reb e ban’en, u roy u fayleng ni pi’in yad bmachrag ko mil e gathi urngin yay ni yad ma m’on ko sagreng, nge cha’ nib falu’ e gathi urngin yay mma gel ko mael. Pi’in yad ba gonop e gathi urngin ngiyal’ ma ba gaman e tin nib t’uf ko yafos rorad, ma pi’in ba tamilangan’rad e gathi gubin ngiyal’ ma yad bfla’ab, ma pi’in yad ba salap ko gagiyeg e gathi gubin ngiyal’ ni yad ma yan ko liw nib tolang. Gubin e girdi mma buch wa’athan.