Eklesiastes 8:8 - Bible Ni Thothup

⁸ Dariy be’ nrayag ni nge siyeg e yam’ u puluwon ara yin’ yaran e rofen ni nge yim’. Ireram ba mael ndabyag ni ngad thaygad riy; dariy liben magad liyeg riy.

Eklesiastes 8:8 Referans Kwoze

Psalms 89:48

I mini’ e ra par ndabi yim’? Uw rogon ni nge ayuweg e girdi’ ir ni nge dabki yan nga low?

BABYOR NI JOB 14:5

Ra be’ ma kan mu’ i duwgiliy n’umngin nap’an e yafos rok — urngin e pul ni nge par nib fos. Ka mu duwgiliy kamta’, ni dabkiyag i thilyeg.

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

Isaiah 28:15

Gimed be uf ni ka mu ngongliyed e m’ag u thilmed nge yam’, ma ke ta’reb lungmed fare fayleng ko yam’. Mmich u wun’med nra yib e riya’ ma dabi bit’ ngomed, ya gimed be toer ko malulifith l’ugun nge sabanban ni nge yororiymed ndabi buch ban’en romed.

Eklesiastes 3:21

Mini’ e rayag rok ni nge micheg ni ya’al ko girdi’ e ra yan ngalang, ma ya’al ko gamanman e ra yan nga fithik’ e but’?

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Psalms 9:17

Yam’ e ir ra yan i mus e pi’in kireb ngay, ni gubin e pi’in nra paged Got.

2 Korinth 13:4

Ya yugu aram rogon feni me’waer nli’ ngem’ u daken e kuruth, machane gelngin Got e ir e be par riy nib fos. Kug ta’ab girdi’gad Kristus, ma ku errogon gamad ni gamad mme’waer; machane gelngin Got e bay i ayuwegmad ngu’ug pired rok Kristus ni fan ngomed.

1 Korinth 15:43

Fa’an bay ni k’eyag ma ke kireb usun ma kem’ay gelngin; ma fa’an nni faseg ko yam’ ma kari gamog ma ke gel.

Isaiah 28:18

Tha’ ni mu ngongliyed u thilmed e yam’ e bayi math’, ma m’ag romed e fayleng ko yam’ e bay nthang. Ma nap’an nra ngolol e riya’, me pirdi’iymed nga but’.

BABYOR NI JOB 34:14

Rachey ni fulweg Got fare athon l’ugun,

2 Samuel 14:14

Gadad gubin ni go’ bay da m’ad; gadad bod e ran nike map’ nga daken e but’, ni dabkiyag i kunuy bayay. Mus ngak Got ma de faseg e pi’in karm’ad, machane en pilung e ra gonpiy rogon reb i kanawo’en me sul be’ ni pumo’on ni ba’ u bang ni bod ba kalbus.

2 Kings 7:15

Miyad yan ngar mada’gad ko lul’ ni Jordan, ma nap’an ni yad be yan miyad guy e mad nge chugum ni n’ag e salthaw nu Syria ko ngiyal’ nra milgad. Miyad sul ngarbad ra weliyed ko en ni pilung.

Eklesiastes 8:13

machane pi’in kireb e dariy ban’en nra fel’ u puluwrad. Yafos rorad e bod fon ban’en ma yad ra yim’ ni kayad ba pagel, ni bochan e darir folgad rok Got.”

Proverbs 12:3

Ngongol ni kireb e der ma yororiyey, machane pi’in mat’aw e yad ba muduwgil u but’.

Eklesiastes 9:12

Dariy be’ nra nang e ngiyal’ nike taw nga tol’. Ni bod e arche’ nra gin ma ke aw ko wup, bod e nig nma aw ko nug, e re gadad nra ngalol e riya’ ni yug gadad ra dada’ ma kad awgad nga tafich.

Isaiah 47:10

“I pagan’um ngom u fithik’ e kireb rom; um leamnag ni dariy be’ nrayag ni nge guyem. Gonop rom nge fanam llowan’ e ke waliyem nga wuru’ e wo’, mag ga’ar u wun’um, ‘I gag Got — dariy be’ ni bodeg.’