Eklesiastes 8:12 - Bible Ni Thothup

¹² Be’ nib kireb e rayag ni nge rin’ e oloboch ni ra’ay yay ma ku be par nib fos. Ahh rriyul, gu manang ko mang e yad be yog: “Fa’anra um fol rok Got, ma urngin ban’en mra par ni bfel’ rogon,

Eklesiastes 8:12 Referans Kwoze

Psalms 37:11

machane pi’in ba sobut’anrad e bay ra pired u daken e nam, nge felan’rad nike yo’or ban’en rorad ma yad ba gapas.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,

Eklesiastes 7:15

Yafos rog e bm’ayfan, machane gguy riy gubin ban’en. Rayag ni yim’ be’ nib manigil me par be’ nib fos, ni yug aram rogon ni be’ nib kireb.

Eklesiastes 3:14

Gubin ban’en nma rin’ Got e ra par ndariy n’umngin nap’an. Dabiyag ni ngan puthuy ban’en ngay ara nchuweg ban’en riy. Ke tay Got ni aray rogon ni fan e nge par e girdi’ ni bay madgun u wun’rad.

Roma 9:22

Ere ta’reb rogon e ren’ey ko n’en nike rin’ Got. Be finey ni nge dag e damumuw rok ya nge dag gelngin ngan guy. Ere rib gumaen’ ni be k’adan’ rok e pi’in yad be k’ar damumuw ngak ni bay tapgin ni nge kirebnagrad.

Luke 1:50

ma runguy urngin e pi’in bay madgun u wun’rad u reb e mfen nga reb.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Eklesiastes 7:18

Ngam pilo’ riy ni l’agruw. Fa’anra bay madgun SOMOL rom, ma dabisiy nra fel’ rogom.

Eklesiastes 5:16

De mat’aw! Gadad ra yan nri bod rogon ndabad. Ud marwelgad ni gadad be guy rogon ni ngad facholiyed e nifeng, fa mang e ke yag ngodad?

Proverbs 13:21

Oloboch e ma lek e pi tadenen u gubin yang, machane girdi’ nib mat’aw e ra fel’ wa’athrad ko tin ni bfel’ ban’en.

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.

Psalms 112:1

Ke sorok SOMOL! Nge felan’ e en ni bay madgun SOMOL u wan’, ma rib felfelan’ ngay nma folwok ko tin keyog ni ngan rin’.

Psalms 96:9

Mu siro’gad u p’eowchen fa’anem nib Thothup ko ngiyal’ nra yib i m’ug riy; fayleng ni polo’, mu t’on u p’eowchen!

1 Kronicles 16:30

fayleng ni plo’ mu durru’ u p’eowchen! Fayleng e ba ayal ni rdabi n’ag gil’.

1 Kings 21:25

Dariy be’ nike par ni tin kireb u p’eowchen SOMOL e be rin’ ni bod rogon Ahab, ni Jezebel ni le’engin e be tay ir ngak be yodorom.

Deuteronomy 12:25

Fa’an gimed ra fol ko ran’ey nike yog, ma gimed ra fel’ u wan’ SOMOL, ma aram e gimed nge pi’in owchamed e ra fel’ gubin ban’en u puluwmed.

Exodus 1:20

Ma be yodorom ma ba gol Got ngak fa gal ppin ni yow ma ayuweg e gargel, ma aram mi i yo’or yu Israel i yan ngar pired ni kar gelgad.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

Deuteronomy 12:28

Ngar mu yul’yul’gad ngu’um folgad u urngin e tin kugog ngomed ni ngam rin’ed, ma aram e gimed nge pi’in owchamed e gubin ban’en ni bayi fel’ u puluwmed ndariy n’umngin nap’an, ni bochan e gimed be rin’ e tin ba mat’aw nge tin bfel’ u wan’ SOMOL ni Got romed.

Psalms 128:2

Maruwel rom e ra yagnag e tin bt’uf rom; bay mu felfelan’ me fel’ rogom.

Eklesiastes 5:7

Demturug ko uw urngin e tin ni ga be nameg, ara uw feni yo’or e welthin ni ga be tay, mar dabisiy ni ngu’um par ni bay madgun Got u wun’um.

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

BABYOR NI JOB 35:15

Ga be leamnag ni Got e dar ma gechig nigey, ma der tetyan ko denen.

Proverbs 28:14

Mu fol rok SOMOL ni gubin ngiyal’ ma ga ra par ni ga ba felfelan’. Ma fa’anra ga ba gelan’ ma ga ra gafgow.

Jeremiah 44:10

Ma ke mada’ ko biney e rran ma dawor mu sobut’ niged gimed. Damur liyorgad ngog fa mu falwokgad ko pi motochiyel ni gu pi’ ngomed nge pi chitamangimed.