Eklesiastes 7:4 - Bible Ni Thothup

⁴ Be’ ni yug ma leamnag rogon e felfelan’ e bbalyang. En nib gonop e ma leamnag rogon e yam’.

Eklesiastes 7:4 Referans Kwoze

Hosea 7:5

Ma rofen ni madnom rok fare pilung miyad guy rogon nge chingaw fare pilung nge pi tayugang’ rok ngar balyanggad ko wayin.

Daniel 5:30

Ka re nep’ i n’em min thang e pogofan rok Belshazzar ni Pilung nu Babylon,

Jeremiah 51:57

Bay gu gagiyegnag e pi tolang riy ngar chinggad — girdi’ nib gonop, nge tayugang’, nge salthaw. Bay ra molod ni dab kur odgad. I gag fare pilung e gu be non; ni Gag fare SOMOL ni Gubin ma Rayag Rok.

Jeremiah 51:39

Gur yad ba dogol? Bay gu fal’eg ba mur ni farad ngar ching niged miyad felfelan’. Bay ra mulod ni dakriy e ngiyal ni yad ra od.

Isaiah 21:4

I m’ag e balyang owcheg, ma gu be durru’ ko marus. Kagum’ ni bochan ni yigi papey nge blayal’, machane dariy ban’en ni yib kemus ni go’ marus.

1 Kings 20:16

Me tabab fare mael ko misiw’, ko ngiyal’ nike chingnag Benhadad nge fa guyey nge l’agruw i tayugang’ u lan e pi tent rorad.

2 Samuel 13:28

me yog ngak e pi tapigpig rok ni ga’ar: “Mu fal’eged i yaliy Amnon ko ngiyal’ nike yo’or ban’en nike unum, ma aram e nap’an ni gu ra pi’ e thin nge yib, min thang e fan rok. Dab murusgad. Ya gag e bay gu fek malngin. Mu cheag niged gimed ma dab mu tuntun gad!”

1 Samuel 30:16

Me pow’iy David i yan ngorad. Fapi tacham e yug ra bagyad ma gin bay riy ko re gin’em, ni yad be abich, ma yibe unum, ma yibe madnom ni bochan urngin e tin kar koled u Filistia ngu Judah u fithik’ e mael.

1 Samuel 25:36

Me sul Abigail ngak Nabal, ni kabay u tabnaw ni be mur ni bod e mur ko pilung. Ma ke chingnag Nabal ma ke felfelan’, ere de yog Abigail ban’en ngak nge mada’ ko kakadbul.

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Eklesiastes 2:1

Gu leamnag ni nggu rin’ e tin gub felan’ ngay mu ggay nggu pir’eg ko mang e felfelan’. Machane mu gu pir’eg ni ku ba m’ayfan.

Eklesiastes 7:3

Kireban’ e kabfel’ ko minmin, gomanga ra i kirebnag owchem, machane ra uthum e nangan’ rom.

Eklesiastes 7:5

Kabfel’ ni ngi i puwan’ e pi’in nib gonop ngom ko bin ngi i tang nagem e girdi’ ni manan’ ni yad be yog e sorok ngom.