Eklesiastes 7:17 - Bible Ni Thothup

¹⁷ Machane ku dabi pag fanam kireb fa mu thum’ ngaru’ ko balyang, mangfan ni ngamum’ u m’on ni dawor i taw nga nap’an?

Eklesiastes 7:17 Referans Kwoze

Proverbs 10:27

Ra um liyor ngak SOMOL, ma ra n’uw nap’am. Pi’in kireb e yad ma yim’ ni dawori taw nga naprad.

Psalms 55:23

Machane, gur Got, e bay mon’ e pi’in tathang e fan nge pi’in sasaliyab nga low rorad ni dawor i yan baley ko yafos rorad. Me gag, e gur e bayi pagan’ug ngom.

BABYOR NI JOB 22:16

Ku dawor i taw nga nap’rad, miyad un ko sugbur ngar man’gad.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Acts 5:10

Ka chingiyal’ nem me thig nga but’ u to’oben ay Peter me yim’. Me yib fapi pagel miyad guy nike yim’, miyad fek nga waen ngar k’eyged nga to’oben e pumo’on rok.

Acts 5:5

Nap’an ni yigi rung’ag Ananias e re bugithin nem me thig nga but’ nike yim’; ma urngin e pi’in nrung’ag murung’agen e ren’em e yib e marus ngorad.

1 Samuel 25:38

Ma ragag e rran nga tomur me pag SOMOL Nabal nge yim’.

James 1:21

Ere mu n’iged urngin e ngongol romed nib golong ni kam mechamgad riy nge urngin i pangimed nib kireb. Mpired u tan pa’ Got ma gimed be fol ko thin rok nike yung nga lanin’med, ya ireray e ren’en nra i ta’med rok Got.

Ezekiel 16:20

“Ma aram ma ga fek pifakam ni pumo’on nge ppin nim diyen nagrad rog ngam pi’rad ni maligach ko liyos. Dawori gaman gelngin e kireb riy ni da mur yul’yul’ ngog,

Ezekiel 8:17

Ma ga’ar SOMOL ngog, “Fak e girdi, kamguy e ren’em? Pi girdi’ nu Judah ney e dawori fel’ u wan’rad urngin e tin yad be rin nib sunsonogor ni kamguy u roy nge urngin e cham ni yad be tay u lan binaw i yan. Dabisiy nri bay rabad ngar ngongliyed e pin’em u roy u lan e Tempel ngar gel niged boch e damumuw rog. Mu changar, rogon ni kar dariyfan niged gag e dakriy rogon ngabang ni kuyra rin’!

2 Samuel 6:20

Me sul David nga tabinaw rok nge yan i guy girdi’en e tabinaw rok, me yan Mikal ni be’ ni bpin ni fak Saul nga wuru’ e naun ni nge mada’nag David. Me ga’ar, “En ni pilung nu Israel e ke gilnag buguwan e daba’! Ya ke chuweg madan u daken u p’eowchen e pi’in ni ppin ni tapigpig ko pi tolang ni bay nga tan pa’ ke darifannag ir!”

Acts 16:28

Machane me tolul Paul ni ga’ar, “Dab mmaad’ad ngom; ya gamad gubin ni ka gamad ba’aray.”