Eklesiastes 7:12 - Bible Ni Thothup

¹² mra yororiyem ni bod rogon e salpiy. Gonop e ra aywegem ndabi buch ban’en rom — irera’ fel’ngin e llowan’.

Eklesiastes 7:12 Referans Kwoze

Proverbs 8:35

En nra piri’egeg e ke pir’eg e yafos, ma ra i par ni bfel’ u wan’ SOMOL.

Proverbs 3:18

Pi’in nra ur pired ni yad ba gonop e yad ba felfelan’, ya gonop e ra pi’ e yafos ngorad, ni bod rogon ba ke gek’iy ni yug be k’uf.

Proverbs 2:7

Ir e ma pi’ e ayuw mma yoror rok e pi’in yad bmat’aw ma yad ba yul’yul’.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 12:50

Ma gu manang ni tin ke yog e ir e ma fek e yafos ndariy n’umngin nap’an i yib ko girdi’. Ere tin kugog e ir e pin’en nike weliy e en ni Chitamangiy ngog ni nggog.”

Proverbs 11:4

Fla’ab rom u fayleng e dariy angin ngom e rofen nra taw e yam’ ngom, machane yul’yul’ e rayag ni ayweg e yafos rom.

Judges 9:15

Me fulweg fa chi ke gek’iy ni bay rachangalen ni ga’ar, ‘Fa’anra ri gimed ba’adag ni ngam ted gag ni pilung romed, me ere mbad ngam pired nga tan yuwag nggu mang tagalul’ ngomed. Ma ra dangay, ma ra yib e nifiy u papa’ngig ni makankan nge urfiy fa yu ke cedar ni bay u Lebanon.”

Filippi 3:8

Ni gathi kemus ni pin’em; ya urngin ban’en ma kug matha’eg ngay ni kari yan i aw ni lus ni bochan e bin ni kab ga’ fan e nggu nang Kristus Jesus ni ir e Somol rog. Bochan Kristus ma aram fan ni kug n’ag urngin ban’en; ya kug finey ni go’ chabung, ni fan e nge yag Kristus ngog,

Isaiah 33:6

me tay e re nam ney nike duwgil. Gubin ngiyal’ nma yoror rok e tirok e girdi’ ma be pi’ e gonop nge llowan’ ngorad. N’en nib th’abi t’uf rorad e madgun SOMOL ni ngi i par u wan’rad.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Proverbs 9:11

Gonop e ra puthuy boch e duw ko yafos rom.

Proverbs 2:11

Nangan’ rom nge tamilangan’ e ra yororiyem

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

BABYOR NI JOB 1:10

Kam par ni ga be yoror rok nge girdi’ nu tabinaw rok nge urngin ban’en ni bay rok. Ga be fal’eg wa’athan u urngin e tin be ngongliy, ma urngin e garbaw ni ka mu pi’ ngak e ke yo’or u daken e ted i yan.

Deuteronomy 32:47

Pi machib rok Got ney e gathi thin ndariy fan; ya ir e pogofan romed. Um folgad riy mu um pired nib n’uw nap’med u lan e re nam ni bay nga ba’nem e lul’ ni Jordan ni aram e ngam marod mpired ngay.”

Isaiah 30:2

Kranod nga Egypt ko man ayuw ndar fithedgag ko mang e ngan rin’. Magan’rad ngay ni yu Egypt e nge yoror rorad, ere pilung nu Egypt e ir e ke pagan’rad ngak.

Proverbs 14:20

Dariy be’ ni ba’adag be’ dariy ban’en rok, ni mus ko en ni yow bbuguliyoror, ma be’ nib yo’or ban’en rok e ba yo’or e fager rok.

Eklesiastes 2:13

Ahh, ku gu nang, “Gonop e bfel’ boch ko balyang, ni rbod rogon e tamilang ni bfel’ boch ko lumor.

Eklesiastes 7:19

Gonop e kabga’ angin ngak be’ ko ragag i tagagiyeg ni nge yib angirad ngab binaw.

Eklesiastes 9:16

Yigguma yog ni gonop e kabfel’ ko yargel, machane dariy be’ nma leamnag ni be’ nib gafgow e ba gonop ara ni motoyil ko n’en ni be yog.

Eklesiastes 9:18

Gonop e ka bo’or fel’ngin ko tatalin e cham, machane ta’reb e tadenen mrayag ni kirebnag bo’or ban’en nib manigil.

Eklesiastes 10:19

Mur e ra felfelan’ nigem ma wayin e ra ba’udeg lanin’um, machane galin’ey e dabiyag ngom ni fa’anra dariy e salpiy rom.