Eklesiastes 6:9 - Bible Ni Thothup

⁹ Rib m’ayfan; bod ni yibe lol’oeg e nifeng. Kabfel’ ni nge fel’ u wan’um e tin bay rom ko bin ni gubin ngiyal’ ni ngu’um finey e tin dariy rom.

Eklesiastes 6:9 Referans Kwoze

Eklesiastes 1:14

Kugguy urngin e tin ni kan mu’nag u roy u fayleng, ma nggog ngom, urngin ma ba m’ayfan. Bod ni yibe lol’oeg e nifeng.

BABYOR NI JOB 31:7

Fa’anra ku gu pi’ keru’ug ko kanawo’ nib mat’aw, ara ku gu pageg ke pagan’ug ko tin kireb, ara ke alitnag e denen pa’ag,

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

Eklesiastes 6:2

I Got e ra pi’ ngak be’ e fla’ab, nge liw, nge binaw, nge urngin e tin ba’adag, machane dabi pag nge felfelan’ ngay. Yug be’ nde nang e ra felfelan’ riy. Bm’ayfan ma de mat’aw.

Eklesiastes 5:18

Ba’aray e ren’en ni gu pir’eg: ran’en th’abi fel’ ni nge rin’ be’ e nge abich me garbad me felfelan’ ko tin ke muruliy ko chi par ney nib ngoch nap’an nike pi’ Got ngak; irera’ tol e girdi’.

Eklesiastes 4:4

Mu ku gu nang ko mangfan nma maruwel e girdi’ nib gel ni nge fel’ rograd: fan e be awan’rad ko tin bay rok e pi’in yad bbuguliyoror. Machane ba m’ayfan. Bod ni yibe lol’oeg e nifeng

Eklesiastes 2:11

Ma aram mu ug leamnag rogon urngin e pin’en ni ku gu ngongliy nge feni gel e maruwel ni ug tay riy, mu gu nang ni dariy ban’en ni fan. Bod ni gu be lol’oeg e nifeng ndariy gam’ingin ngabang.

Eklesiastes 1:2

Rib m’ayfan, bm’ayfan, thin ni yog fare Filosofer. Yafos e ba m’ayfan, gubin nib m’ayfan.

Jeremiah 2:20

I SOMOL ni Th abi Tolang e ga’ar, “Israel, ka ba kakrom ni mu n’ag e thin rog; ma ga siyeg ni ngam folwok rog ara mu liyor ngog. U daken urngin e burey nib tolang ngu tan urngin e yu ke gek’iy e u mu tay fan riy bogi got ko yong’ol.

Eklesiastes 1:17

Gu duwgiliy ni nggu fil ko mang e thil u thilin e llowan’ nge balyang, nge gonop nge aliliy. Machane gu pir’eg ni ku ta’reb rogon ko gu be lol’oeg e nifeng.