Eklesiastes 6:7 - Bible Ni Thothup

⁷ Gadad ma rin’ e maruwel rodad ni kemus ni nge yag ban’en ni ngad ked, machane der gaman.

Eklesiastes 6:7 Referans Kwoze

John 6:27

Dab mmaruwelgad ni fan ko ggan ni bay n’en me kireb; machane mmaruwelgad ni fan ko fare ggan nra par ni dabi kireb nge mada’ ko yafos ndariy n’umngin nap’an. Re ggan nem e en ni Fak e Girdi’ e bayi pi’ ngomed, ya Got ni Chitamangiy e ke pi’ mat’wun.”

Proverbs 16:26

Feni gel e mak’iy nike yib ngom, e aram feni gel e maruwel ni ga be tay.

Matthew 6:25

“Ireray fan ni be lungug ngomed: dabi magafan’med ko ggan nge garbod ni nge yag ngomed ni fan e ngam pired ni gimed ba fos, fa mad ni fan nga dowmed. Gathi ka ba ga’ fan e pogofan ko ggan? Ma gathi ka ba ga’ fan e dowef ko mad ni yibe yin’?

Luke 12:19

Ma aram mu gog ngog u lanin’ug ni lungug, Bfel’ wa’atham! Ke yag ngom urngin e tin ni bfel’ ni bay fan ngom nra par ni bo’or e duw. Mpagan’um, ngu’um abich ma ga be garbod, ma ga be rin’ e tin ni gab adag!

Eklesiastes 6:3

Rayag ni nge fakay be’ ra’ay e bitir, me par nib n’uw nap’an, ma demturug feni n’uw nap’an ni par nib fos, ma fa’anra de yag ngak e birok e f’oth ko felfelan’ ma de fel’ rogon e gum’eyag nni tay ngak, me’ere gag e nggog ni kabfel’ be’ nib bitir nni gargaleg ma bayam’.

Eklesiastes 5:10

Fa’anra ba t’uf rom e salpiy, ma dariy bangiyal’ nra gaman oren u wun’um; ma fa’anra mum’ ni bochan ni nge fel’ rogom, ma dariy bangiyal’ ni ga ra gaman ko tin ga ba’adag. Rib m’ayfan.

Eklesiastes 6:8

Bu uw rogon ni bfel’ boch e en ni ba gonop ko en nib bbalyang? Mang bfel’ riy ko en nib gafgow ni nge nang rogon ni ngi i par ko re tamilang ney.

Eklesiastes 1:8

Urngin ban’en ma be sor i yan ko thay parwon — ni thayparwon ni dabyag i weliy ko sabathin. Lan owchadad e ri dabi gaman ko tin be guy; teldad e ri dabi gaman ko tin be rung’ag.

Eklesiastes 5:9

Ni mus ko pilung mma pag e taga’ nga wom’ngin e woldug.