Eklesiastes 5:8 - Bible Ni Thothup

⁸ Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Eklesiastes 5:8 Referans Kwoze

Eklesiastes 4:1

Ma aram mu gu sap bayay nga urngin e tin be buch nde mat’aw u lan e re fayleng ney. Ma pi’in ka ni gafgow nagrad e yad be yor, ma dariy be’ nra aywegrad. Dariy be’ nra aywegrad ni bochan e pi’in ni be gafgow nagrad e yad e bay gelingrad.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

Eklesiastes 3:16

Gathi kemus ara’, ku er rogon ni ku gguy ni denen ni kireb e be yin’ luwan e tin yal’uw nge tin mat’aw ko biney e tamilang.

Psalms 82:1

Got ni par nga tagil’ u lan e mu’ulung ko girdi’en e tharmiy; me yog e n’en ke duwgiliy u langgin fare mu’ulung ko pi got ni ga’ar:

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Luke 1:76

I gur, fakag, e bay nognem ni gur ba profet rok Got, ni Got ni Th’abi Tolang. Bay mm’on rok Somol ngam ngongliy e kanawo’ rok,

Luke 1:35

Me fulweg fare engel ngak ni ga’ar, “Fare Kan Nthothup e bayyib ngom, me yib i par gelngin Got ngom. Ireray fan nre tir nem nib thothup e bay ni pining ni Fak Got.

Luke 1:32

Ma bayi mang be’ nib tolang ma bay nog ni ir Fak Got ni Th’abi Tolang. Mi Somol ni ir Got e bayi pilungnag; ni bod rogon David ni ir e ga’ rok,

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Zekariah 8:6

“Ran’ey e sana ra leamnag e pi’in ni magach ko fare nam ni dabiyag, machane dariy ban’en ndabi yag rog.

Mikah 2:9

Kam tulufed e ppin rok e tirog e girdi’ kar chuwgad u lan e pi tabinaw rorad nib t’uf rorad, ma kam laged rok pifakrad e pi tow’ath rog ngorad ni dariy n’umngin nap’an.

Amos 6:12

Gur ma titimo’og e os u daken e war? Gur bay be’ nma gi’ e garbaw rok e day? Machane kam pingeged e tin nib yal’uw ke ngal’ ni yub, ma kam pingeged e tin nib mat’aw ko kireb.

Amos 5:12

Gu manang feni kireb e denen ni gimed be rin’, nge urngin e yupa’ i oloboch ni kam ngongliyed. Gimed be gafgownag e girdi’ ni bfel’, ma gimed be fek puluwon e sasalap, ma gimed be taleg mat’won e pi’in gafgow u tafen e puf oloboch.

Isaiah 57:15

“I gag fare Got nib tolang ma ba thothup, ni gu ma par ni gu fos ni urun. Gu ma par u bang nib tolang ma ba thothup, ma kug ma par ko girdi’ nib sobut’an’ ma kar pi’ed keru’rad ko kireb rorad, ya nge yag ni gu fulweg e pagan’ nge lagan’ ngorad.

Isaiah 37:36

Re nep’ i n’em e yan ba engel rok SOMOL ko gin be par e salthaw nu Assyria riy me thang e pogofan rok 185,000 e salthaw. Ma fa’ani puf e woch ma yad gubin ni yad bay u but’ ni karm’ad.

Isaiah 10:12

Machane Somol e ga’ar, “Nap’an ni gu ra mu’nag e n’en gu be rin’ ko Burey ni Zion ngu lan yu Jerusalem, ma bay gu gechignag e emperor nu Assyria ni bochan e ufanthin nge tolngan’ rok.”

Isaiah 5:7

Israel e fa gi woldug ni grape rok SOMOL ni Gubin ma Rayag Rok; girdi’ nu Judah e yad fapi woldug ni grape ni i yung. I leamnag ni ngu’ur rin’ed e n’en ni bfel’, machane dar rin’ed miyad par ngu’ur thanged e pogofan! I leamnag ni ngu’ur rin’ed e n’en nib manigil, machane pi’in ur gafgow niged e ra yor niged e tin bmat’aw!

Isaiah 3:15

Dariy mat’awmed ni ngam pirdi’iyed e girdi’ rog, ma ke mang i tay ngomed ni ngu’um gafgow niged e pi’in gafgow. I Gag, fare SOMOL ni Th’abi Tolang ma Gubin ma Rayag Rok, e kugog e pi thin ney.”

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Psalms 95:3

Ya SOMOL e ba Got ni gubin ma rayag rok, ir ba pilung nib gel ngak urngin e pi got.

Psalms 83:18

Mang e yugur nanged ni kemus ni gur e SOMOL, ni gur fare tagagiyeg Nib Th’abi Tolang u polo’ e fayleng.

Psalms 55:9

A Somol, mu balyangnag e welthin ko pi to’ogor rog! Gu be guy e cham nge wagagay u lan e binaw,

1 John 3:13

Pi walageg, dab mu gin gad ngay ni fa’anra fanenikaymed e girdi’ nu fayleng.

1 Peter 4:12

Pi tafager rog ni gimed ba t’uf rog, dab mu gin gad ko gafgow nib gel ni yibe tay ngomed ni ba sikeng ngomed, ni gowa ban’en ni kam gin gad ngay.

Roma 11:33

Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?

Proverbs 22:16

Fa’anra u mu fal’eg e tow’ath rok e girdi’ nib yo’or ban’en rorad ara mu gafgownag e pi’in gafgow ya nge yo’or ban’en rom, me gur e ra m’ay ban’en rom.

Proverbs 24:12

Rayag ni ngamog ndariy rogom ngay, machane Got e ma nang ma ir e be guy lanin’um nge fan ni ga ma rin’ ban’en. Ma fal’eg i yaliyem; ere manang. Ma ra pi’ puluwom ni rogon e n’en ni ga ma rin’.

Eklesiastes 5:9

Ni mus ko pilung mma pag e taga’ nga wom’ngin e woldug.

Eklesiastes 7:7

Fa’anra bannag be’ nib gonop be’ ma be ngongol ni bod e balyang. Fa’anra ga be fek puluwon e kireb ma ga be kireb nagem.

Eklesiastes 8:9

Gguy urngin e pin’ey u nap’an ni gu be leamnag rogon e pin’en ni kan ngongliy u lan e re fayleng ney, nib fayleng ni bay boch e girdi’ riy nib gel gelingrad ma boch e be gafgow u tan pa’rad.

Ezekiel 18:18

Chitamngin e i sasaliyeb nag e girdi’ ma i iring ban’en u fithik’ e yargel ma gubin ngiyal’ ni i ngongliy e kireb ngak e girdi’. Me yim’ ni bochan e denen ni i rin’.

2 Kronicles 26:10

Miki ubung e pi tagil’ e damit ni kan yororiy ni fan ko mael u daken e ted me fu’og e luwed nib yo’or, ni bochan e bay yu ran’ i gamanman rok u enggin e purey’ nge yungi tafelfel’ u ba’ ni ngal. Ri ba’adag e milay’, ma aram me tay ir ko girdi’ ni ngar yunged e milay’ ni grape ko gin ni go’ burey mi ni wolduguy e gin nib yung’ol e but’ riy.

BABYOR NI JOB 24:23

Mang e ra pag Got facha’ nge par ni dabi buch ban’en rok, machane ma yip’ owchen ngak ni gubin ngiyal’.