Dawor mpi’ e binaw rom ni chuway’ me gur e mmil fan ngom, ma fa’ani mpi’ ni chuway’ nge yib e salpiy riy ma ka gur e fanam. Ere mangfan ni mturguy u lanin’um ni ngam ngongliy e binir e ngongol? Gathi girdi’ e kam lifith l’ugunam ngak, ya kam lifith l’ugunam ngak Got!”
“Nap’an ni gimed ra mownag ban’en nga fithingan SOMOL ni Got romed, ma dab mmon’ed yaran e tin ka mu micheged ni ngam rin’ed. I SOMOL e bayi tay ngan’ e tin ka mu mow niged, ma ba denen ni fa’anra dab mu ted u gil’.
Ma nap’an ni guy fa chipin, me guchthuy e mad rok ni gelngin e kireban’ rok me ga’ar, “Ah, fakag! Karim kirebnag lanin’ug! Mangfan nri gur e ngam k’aring e amith nga lanin’ug? Kug ngongliy ba m’ag ni kug micheg ngak SOMOL, ni dabkiyag ni nggu sulweg!”
Machane bay gu tang nigem ni gu be pining e sorok ngom; ma bay gu li’ ba gamanman nggu pi’ ngom ni maligach, tin ni kug weliy ngom e bay gu rin’. I SOMOL e ma yib e ayuw rok!”
Ri maruwel rok e pi prist ni ngar filed e tin riyul’ u murung’agen Got. Girdi’ e susun e ngranod ngorad ngar filed e tin nib m’agan’ug ngay, ya yad e pi tafek thin rok SOMOL ni Gubin ma Rayag Rok.