Eklesiastes 5:17 - Bible Ni Thothup

¹⁷ Ud pired u fithik’ e lumor, buchbuchan’, magfan’, damumuw, nge m’ar.

Eklesiastes 5:17 Referans Kwoze

Psalms 127:2

Dariy fan ni ngan toer ko maruwel nib gel ni yibe tay, ni ngan od nri kakadbul min mol nike n’uw e nep’, ya SOMOL e ir e ma pi’ ngak e pi’in yad ba t’uf rok e tin ke t’uf rorad, u nap’an ni ku yad be mol.

Acts 12:23

Ka chingiyal’ nem me gad e engel rok Somol pa’ ngak Herod, ni bochan e yog e girdi’ ni ir ba got ma de talegrad nge mang Got e nog e sorok ngak. Me longuy e fakl’ud Herod nge yim’.

Psalms 102:9

Bochan e damumuw nge gelngin e puwan’ rom, ma aram e awat e kemang ggan rog, ma lu’ag e ke ma’thuk nga fithik’ e garbad rog. Ya ka mu chibiyeg ngalang kamun’eg nga orel.

Psalms 78:33

Aram me museg e rran rorad ni gowa bbuwchuth i nifeng ngarm’ad nib tomgin.

BABYOR NI JOB 21:25

Ma boch e girdi’ e dariy buchu’uw i felfelan’ rorad; yad ma par u fayleng ngarm’ad nib buchbuch lanin’rad.

2 Kings 5:27

Ma daraw rok Naaman e bay yib ngom nge pi’in ni owchem ni dariy n’umngin nap’an.” Me chuw Gehazi u p’eowchen Elisa nike daraw, nge yan ni kari wechwech downgin ni bod ra’en e ayis nma mul u lang nga but’.

2 Kings 1:6

Mar fulweged, ni lungurad, “Ke yib be’ nib mo’on i mda’nagmad me yog ngomad ni nggu sulod nggogned ngom ni be ga’ar SOMOL ngom, ‘Mangfan ni ga be l’oeg e pi tamal’og ni ngar fithed laniyan’ Baalzebub, ni got nu Ekron? Mog, bochan e ga be leamnag ndariy e got u Israel? Dab kum gol ko re mad’ad rom nir; bay mum’!’”

2 Kings 1:2

Ahaziah ni Pilung nu Israel e mul u daken e naun rok nga but’ u Samaria nge maad’ad nib gel. Ma aram me l’oeg boch e tamal’og ni ngar fithed lanyan’ Baalzebub, ni got rok fare binaw nu Ekron u Filistia, ni nge nangfan ko ku ra gol fa dangay.

1 Kings 17:12

Me fulweg ni ga’ar, “U fithingan SOMOL ni be par nib fos ni ir e Got rom e nggu micheg ngay ndariy e flowa rog. Kemus ni ta’ab gogow e flowa ni bay u lan baraba’ i ban’en nge buchu’uw i gapgep ko olive ni bay u lan ba rume’. Kugub ngaray ni gu be mogow l’ud ni nggu fek nga tabinaw rog ni nggu lith e chu’uw i flowa nem nggu wew ba pagel ni fakag. Kemus e chu’uw i ggan ni nggu wew, nge mu’ ma aram e nggu m’ow.”

Genesis 3:17

Me ga’ar ngak fare mo’on, “Kamfol rok le’engim kam koy wom’ngin fare ke gek’iy ni gog ngom ni dab mu koy. Ere bochan e tin kamrin’ ma aram e nge kireb e but’. Ma n’umngin nap’an e yafos rom ni bay um muruwliy e but’ nib gel nge yag ni pi’ e ggan ngom nib gaman,

Psalms 39:6

ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.

Eklesiastes 2:23

N’umngin nap’an ni ga be par, ma urngin e pin’en ni ga be ngongliy e dariy ban’en ni beyib riy ngom ma kemus ni magfan’ nge amith lanyan’. Ni mus ko nep’ ma lanin’um e der toffan. Urngin nib m’ayfan.

Eklesiastes 2:10

Urngin e tin ni gu ba’adag e go’ yag ngog. Dariy bmit e felfelan’ ni gu siyegneg riy. Gu uf uf ko urngin e tin ni gu maruwliy, ma urngin e pin’ey e aram puluwog.

Eklesiastes 2:24

Bin th’abi fel’ ngak be’ ni nge rin’ e nge abich me garbad me felfelan’ ko tin ke thognag. Ma ku gu nangfan e chiney, ni mus ko biney ni yib rok Got.

Eklesiastes 7:14

Fa’anra ga be par ni bfel’ rogon e gubin ban’en u puluwom, ma nge felfelan’um, ma nap’an nra yib e magawon, ma nge yib ngan’um: ni Got e ma pi’ e felfelan’ nge gafgow; I gur e dariy e ngiyal’ ni ga ra nang ko mang e migid ni nge yib.