Eklesiastes 4:4 - Bible Ni Thothup

⁴ Mu ku gu nang ko mangfan nma maruwel e girdi’ nib gel ni nge fel’ rograd: fan e be awan’rad ko tin bay rok e pi’in yad bbuguliyoror. Machane ba m’ayfan. Bod ni yibe lol’oeg e nifeng

Eklesiastes 4:4 Referans Kwoze

1 John 3:12

Thingar dab da boded Kain ni i par nib milfan ngak Fa’anem nib Kireb, me li’ walagen ni pumo’on nge yim’. Mangfan ni li’ Kain e cha’nem? Bochan e ngongol ni i ngongliy Kain e ba kireb, ma ngongol ni i ngongliy walagen e bmat’aw.

Eklesiastes 1:14

Kugguy urngin e tin ni kan mu’nag u roy u fayleng, ma nggog ngom, urngin ma ba m’ayfan. Bod ni yibe lol’oeg e nifeng.

Eklesiastes 2:21

Mu maruwliy ban’en u ga’ngin e gonop rom, nge llowan rom, nge fanam salap, ma aram ma ga pag ni urngin nga pa’ be’ nde maruwliy. Rrib m’ayfan, made mat’aw!

Eklesiastes 2:26

Got e pi’ e gonop, nge llowan’ nge felfelan’ ngak e pi’in yad ma rin’ e tin nib magan’ ngay, machane ma tay e pi tadenen ni ngar marwelgad, ngar thog naged ban’en miyad cha’riy, ma aram e n’en keyag ngorad e bay ni pi’ ko pi’in yad bfel’ u wan’ Got. Gubin nib m’ayfan. Bod ni yibe lol’oeg e nifeng.

Matthew 27:18

Ya kari nang ni kar pi’ed Jesus ngak ni bochan e ke awan’rad ngak.

Eklesiastes 6:11

Ra i n’uw nap’an ni ga be tugthin, ma aram feni ri be m’ayfan ni dariy gam’ingin ngom.

Eklesiastes 6:9

Rib m’ayfan; bod ni yibe lol’oeg e nifeng. Kabfel’ ni nge fel’ u wan’um e tin bay rom ko bin ni gubin ngiyal’ ni ngu’um finey e tin dariy rom.

Eklesiastes 4:16

Demturug oren e girdi’ nra gagiyegnag be’ nib pilung; ma nap’an nra chuw ko pilung, ma dariy be’ nra pining e magaer u wan’ ko tin i rin’. Rib m’ayfan. Bod ni be lol’oeg e nifeng.

Proverbs 27:4

Damumuw e bbuchan’ ma ba magothgoth, machane talyag e ba thum’ ngaru’.

James 4:5

Dab mfineyed ndariyfan e re bugithin ni ba’aray ni bay u lan e babyor nib thothup ni be ga’ar, “Fare Kan Nthothup ni pi’ Got ni nge par u fithik’dad e be yim’ ni bochan e ngad yul’yul’gad ngak.”

Acts 7:9

“Pi chitamngin fapi ganong rok piyu Israel e awan’rad ngak Josef, ngar pi’ed ni chuway’ ngalan yu Egypt ni nge mang sib. Machane bay Got rok ni be un ngak,

Eklesiastes 1:17

Gu duwgiliy ni nggu fil ko mang e thil u thilin e llowan’ nge balyang, nge gonop nge aliliy. Machane gu pir’eg ni ku ta’reb rogon ko gu be lol’oeg e nifeng.

Genesis 26:14

I awan’ epi Filistine ngak ni bochan e ba yo’or yu ulung i saf, garbaw, nge tapigpig rok.

Genesis 31:1

Jakob e rung’ag ni be yog fapi pagel ni fak Laban ni yad be ga’ar, “I Jakob e kefek urngin tin nib mil suwon ko chitamangidad. Kefel’ rogon ko tirok e chitamangidad.”