Eklesiastes 4:12 - Bible Ni Thothup

¹² L’agruw ni’ e rayag ni ngar tapngiyew yow u ba cham nike yibnag be’ ma fa’anra ta’bagyow mra waer. Ba yil’ i tal nni ngongliy u dalip yil’ e gaf e ba mo’maw ni nge math’.

Eklesiastes 4:12 Referans Kwoze

Efesus 4:3

Mu athamgiliyed ngu’um pired ni gimed ta’ab girdi’ ni fare Kan Nthothup e ke pi’ ngomed u daken fare gapas ni ir e ke m’agmed nga ta’bang.

2 Samuel 23:9

En migid ko fa dalip i girdi’ nib gilbugwan e Eleazar ni be nib mo’on ni fak Dodo, ni be’ ko fare ke girdi’ rok Ahoh. Reb e rran me ir nge David e ra chamgow ngak e pi Filistine ni kar mu’ulunggad ni ngan mael. Me sul piyu Israel riy nga tomur,

2 Samuel 23:23

Ir e rib cheag u fithik’rad, machane gathi ri bod fini gilbugwan “Fare Dalip.” Me tay David e salthaw ni yad ma matanagiy ni Benayah e be gagiyeg nagrad.

2 Samuel 23:16

Ma fa dalip i salthaw nib gilbuguwanrad e rcham niged wo’rad nga wuru e gin be par e pi Filistine riy, ngar l’inged boch e ran ko fare luwed, ngar sulweged ngak David. Machane de unum David; ya n’en ni rin’ ngay e pu’og nga but’ nib maligach ngak SOMOL

Eklesiastes 4:11

Ma fa’anra yib e garbeb, ma l’agruw ni’ e rayag nra molow nga ta’bang miyow par ni yow ba magwal. Ma urogon ni nge m’ay e ulum rom ni go’ gur?

Eklesiastes 4:13

Kabfel’ rogon be’ nib pagel ni dariy ban’en rok ma ba gonop, ngak be’ nib pilung nike pilbithir ma bbalyang ni der ma fanay e fanow rok be’,