Eklesiastes 3:6 - Bible Ni Thothup

⁶ Ma turguy ngal’an ni ngan gay ban’en nge ngal’an ni nge yan ban’en nga bang; nge ngal’an ni ngan chibgiliy ban’en nge ngal’an ni ngan n’ag ban’en;

Eklesiastes 3:6 Referans Kwoze

Acts 27:19

Miki yan i reb e rran riy miyad yin’ e talin e maruwel nu barkow nga maday ni ron’ed nga pa’rad.

Acts 27:38

Ma fa’ani mu’ gubin e girdi’ ko abich, miyad yin’ wom’ngin e woldug ni yima ngongliy e flowa riy u barkow nga maday ni nge baud e barkow.

Matthew 19:29

Ma urngin e girdi’ ni kar paged e tabinaw rorad, ara pi walagrad ni pumo’on, ara pi walagrad ni ppin, ara matam, ara matin, ara bitir, ara yungi binaw ni taferad ni bochag, e ra’ay yay e pin’ey ni bayi mun ngorad, ma yira pi’ e yafos ndariy n’umngin nap’an ngorad.

Eklesiastes 11:1

Mu tay e salpiy rom nga reb e bank u reb e nam, me yan i reb e rran me yib e win riy ngom.

Psalms 112:9

Ba gol ngak e pi’in ke t’uf e ayuw rorad, ma feni gol e der ma thil; bayi gel gelngin ngu’un tayfan.

2 Kings 5:26

Me ga’ar Elisa ngak, “Lanin’ug e immoy u rom ko fa ngiyal’nem ni log fare mo’on u chariot rok nga but’ ni ngam nonow. Gathi irera’ ngal’an ni ngan fek e salpiy, nge mad, nge yungi woldug ni olive nge yungi woldug ni grape, nge saf, nge garbaw, ara tapigpig.

Jonah 1:5

Ma urngin fapi sala nrusgad miyad tolul nra bagyad ma be man ayuw ko birok e got. Miyad yin’ e chugum nu barkow nga maday, ni nge ba’ud e barkow. Ma ngiyal’ i nem ma ke yan Jonah i mol nga mayum ko barkow, ni kari mol.

Isaiah 2:20

Nap’an nra taw ko rofen nem, ma bay ra n’iged e gol nge liyos ni silber nra ngongliyed, ngar n’iged ngak e boro’ nge magl’aw.

2 Kings 8:9

Ma aram me suguy Hazael daken aningeg i ragag e kamel nga gubin mit e pin’en ni bfel’ nu Damaskus me yan ngak Elisa. Nap’an ni mada’nag Hazael facha’, me ga’ar ngak, “Fare tapigpig rom i Benhadad ni Pilung e ke l’oegeg ni nggu fithem ko ku ra gol ko fare m’ar rok fa dangay.”

2 Kings 7:15

Miyad yan ngar mada’gad ko lul’ ni Jordan, ma nap’an ni yad be yan miyad guy e mad nge chugum ni n’ag e salthaw nu Syria ko ngiyal’ nra milgad. Miyad sul ngarbad ra weliyed ko en ni pilung.

Genesis 31:18

ni ngar sulod ko binaw rok Isak ni chitamngin u Kanaan. Ma ke fek Jakob e gamanman rok nge urngin e tin ni yag ngak u Mesopotamia.

Eklesiastes 3:5

nge ngal’an ni nge par e galicha’ niyow bmabgol nge ngal’an ndabi par e galmabgol nga ta’bang; nge ngal’an ni nga ni pi’ e felan’ nge ngal’an ndab ni pi’ e felan’.

Eklesiastes 3:7

nge ngal’an ni ngan guchthuy nge ngal’an ni nga nip’; ngal’an ni ngan th’ab gulungey nge ngal’an ni ngan welthin.