Eklesiastes 3:5 - Bible Ni Thothup

⁵ nge ngal’an ni nge par e galicha’ niyow bmabgol nge ngal’an ndabi par e galmabgol nga ta’bang; nge ngal’an ni nga ni pi’ e felan’ nge ngal’an ndab ni pi’ e felan’.

Eklesiastes 3:5 Referans Kwoze

2 Kings 3:25

mar gathayed fapi binaw rorad. Ma nap’an ni yad ra yan u to’oben bang e milay’ nib yong’ol, mra reb e pi Israel me yin’ reb e malang nga daken fare milay’ nge mada’ ko ngiyal’ ni urngin e yungi milay’ ma ke mathrow; mu ku arita’ fapi alublub ni kur ninged mar th’abed nga but’ e pi gek’iy ni bay wom’ngin. Me yan i tomur ma kemus ni fare binaw ni tafen e pilung nu Kir Heres e yan i magey, me yan fapi girdi’ ni ur paged e malang ra liyeged ngar maelgad ngay.

Joshua 10:27

Ma nap’an ni aw e yal’ me yog Joshua ni ngan pilig fapi yam nga but’ nga nin’ nga langgin fare yiy ni ur mithgad u langgin kafram boch. Min tay e malang ni gagang’ nga langan fare yiy, ni kabay e pi malang nem u rom e chiney.

Joel 2:16

Mu kunuyed e girdi’ nga ta’bang; mu fal’eged rogorad ni fan nga reb e muulung nib thothup; mu kunuyed e pilibthir; mu kunuyed e pi’in bitir, ma ku er rogon e bitir ni kabran. Mus ngak e pi’in kafini mabgol ni thingar ra chuwgad u lan e pi senggil rorad ngar uned ko wub.

Exodus 19:15

me ga’ar Moses ngorad, “Nge taw ko langlath ma kam mu’gad ma dabki par be’ nge le’engin nge mada’ ko rofen nem.”

1 Korinth 7:5

Ra ba wu’ e mabgol ma dabi tel bagayow ir rok bagayow, kemus ni fa’anra ke ta’reban’row ngay ni ngar talgow u rogon n’umngin nap’an ni yow ba’adag, ni fan e nge yag nra tiyan’gow ko meybil; me mu’ miyow sul ngkur rin’ew e n’en nma rin’ e mabgol, ya ri fek Satan ban’en i yib ngak bagayow, ni ban’en nrayag ni nge pingeg fa’anem nge denen, ni bochan e dakiyag rok fa’anem ni nge k’adan’.

Eklesiastes 3:4

Ma turguy ngal’an ni nge kireban’uy nge ngal’an ni nge felan’uy; nge ngal’an e dolol’oy nge ngal’an e churu’;

Eklesiastes 3:6

Ma turguy ngal’an ni ngan gay ban’en nge ngal’an ni nge yan ban’en nga bang; nge ngal’an ni ngan chibgiliy ban’en nge ngal’an ni ngan n’ag ban’en;