Eklesiastes 3:2 - Bible Ni Thothup

² Ma turguy ngal’an e gargel nge ngal’an e yam’; nge ngal’an e woldug ni ngan yung nge ngal’an ni ngan pug;

Eklesiastes 3:2 Referans Kwoze

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

BABYOR NI JOB 14:5

Ra be’ ma kan mu’ i duwgiliy n’umngin nap’an e yafos rok — urngin e pul ni nge par nib fos. Ka mu duwgiliy kamta’, ni dabkiyag i thilyeg.

Galatia 4:4

Machane fa’ani taw nga nap’an e ngiyal’ ni duwgiliy Got, me pi’ Got Fak nge yib. Me yib ni ba girdi’ e chitiningin, mi i par u tan fare Motochiyel rok piyu Israel,

Luke 1:20

Machane dawori pagan’um ko re bugithin ney ni kug fek i yib ngom, ni bayi taw nga nap’an me yib i m’ug nib riyul’. Ere bay mu par ndabkiyag ni mu’un ko numon ni bochan e de pagan’um ko tin kugog; bay mu par ndabkiyag ni mu’un ko numon nge yan i mada’ ko chirofen ni bay yib i m’ug nib riyul’ e tin kugog ngom.”

Matthew 15:13

Me fulweg Jesus ni ga’ar, “Urngin ban’en nde yung e Chitamag nu tharmiy e yira pug ngalang.

John 16:21

Ra be n’en ni nge gargelnag be’ ni bpin reb e bitir me yib magaren ngak, ni bochan e re awa ni nge gafgow riy e ke taw, machane nap’an nra gargeleg fare tir me pag talin e gafgow nike tay, ya ke felfelan’ nike gargeleg reb e bitir nga fayleng.

Isaiah 38:1

Bingyal’ ko ngiyal’ i n’ey me m’ar Hezekiah ni Pilung ni chugur ni nge yim. Me yan Isaiah ni profet nib mo’on ni fak Amoz nge yan i guy nge ga’ar ngak, “I SOMOL e be yog ngom ni ngam yarmiy urngin ban’en nge fel’ rogon ni bochan e gur e dab kum gol. Ma ga fal’eg rogom ni ngamum’.”

BABYOR NI JOB 7:1

Yafos ko girdi’ e bod feni almarin e maruwel ko salthaw, ni ba maruwel nib gel nib math’kanil’,

Acts 7:20

Ireram e re ngiyal’ i n’en nni gargelnag Moses riy, ma bochi madaway nib folunt. Min chuguluy u tafen ndalip e pul,

Acts 7:17

“Ma fa’ani chugur ko fare ngiyal’ i n’em ni nge rin’ Got fare bugithin ni yog ngak Abraham ni bay rin’ ngak, ma aram e ke yo’or e girdi’ rodad ni bay u Egypt.

John 7:30

Ma aram miyad guy rogon ni ngar koled ngar feked, machane dariy be’ ni yag ni nge rin’, ya dawori taw ko ngiyal’ nike duwgiliy Got ni ngan kol.

Luke 1:36

Mu tafinaynag Elisabeth ni be’ rom. Kanog ndabkiyag ni nge fakay e bitir: machane chiney e nga nel’ e pul ir ko diyen, ni yugu aram rogon nike pilibthir.

Luke 1:13

Me ga’ar fare engel ngak, “Zakariah, dab mu tamdag! Ya ke rung’ag Got e meybil rom; ya bpin rom ni Elisabeth e bayi gargelnag ba pagel ni fakam. Ma ngam tunguy fithingan ni John.

Matthew 13:41

en ni Fak e Girdi’ e bayi l’oeg e pi engel rok ngar kunuyed urngin e pi’in yad be waliy e girdi’ ngar denengad, nge urngin e pi’in yad be ngongliy e kireb ni kar maathukgad nga fithik’ e pi’in Got e be gagiyeg nagrad,

Jeremiah 45:4

“Machane I Gag SOMOL e ngu buthug nga but’ e n’en ni kug toy mug pug ngalang e n’en ni kug yung. Arogon ni bay gu rin’ nga ga’ngin e fayleng.

Jeremiah 1:10

Daba’ e ku gu pi’ gelngim ni ngam gel ko pi nam nge yungi ban’en nra reb e pilung ma be gagyegnag bang, ni ngam pug ngalang ma ga buthug, ma ga kirebnag ma ga chuweg, ma ga ubung ma ga yung.”

Isaiah 54:1

Jerusalem um par ni bod be’ ni bpin ndariy e bitir rok. Machane chiney e rayag ni ngam tang ma ga be garusnag e felfelan’. Ya chiney e bayi yag e bitir ngom nib pire’ boch ngak be’ ni bpin ni der chuw figirngin u charen!

Isaiah 38:5

ni nge sul ngak Hezekiah nge ga’ar ngak, “I Gag, SOMOL, ni Got rok David ni ga’ rom kakrom, e kug rung’ag e meybil rom ma kug guy lu’am; bay gu tem ndab mum’ ni ragag nge lal e duw n’umngin nap’an.

Psalms 113:9

I tolangnag be’ ni bpin ni dariy fak u lan e tabnaw rok, me felfelan’nag fare pin ko bitir ni pi’ ngak. Ke sorok SOMOL!

Psalms 52:5

Are Got e bayi tem ko bin but’ e fol ni dariy n’umngin nap’an; bayi tharbegem u tafnam; bayi chuwegem ko fayleng ko pi’in bafos.

BABYOR NI JOB 14:14

Fa’anra yim’ be’, ma gur ku rayag ni ngki fos bayay? Machane gag e bay gu sonnag e ngiyal’ ni bfel’, nggu son nge chuw e ngiyal’ney nib gafgow.

2 Kings 4:16

me ga’ar Elisa ngak, “Ngiyal’ney ko binem e duw e bay mu dibey bochi pagel ni fakam.” Me ga’ar fare pin, “Wenig ngom, dab mu ban nigeg, ya gur e girdi’ rok Got.”

1 Kings 13:2

Me non fare profet nib togopluw ko fare altar, ni nge fol ko tin keyog SOMOL ngak ni ga’ar “Altar, altar, ba’aray e n’en ni be yog SOMOL: Bay bbitir ni bay ni tunguy fithingan ni Josiah, ni bay ni gergeleg ngalan fare tabnaw rok David. Ir e bayi li’ nge yim’ u dakenam e pi prist ni yad be pigpig ko fapi altar rok e pi’in ndar nagned SOMOL ni yad ma pi’ e maligach u dakenam, ma bayi urfiy yilen e girdi’ u dakenam.”

1 Samuel 2:5

Pi’in ni yugu yad ma par ni yad ba fos e kranod ni yad be man maruwel ni fan ko ggan, machane pi’in ur m’ad ko bilig e kar pired ndakurir m’ad ko bilig. Fare pin nda i diyen e nga medlip e bitir nike diyennag, ma fare pin ni bo’or e bitir ni diyennag e ke par ni ta’reb ma dakuriy rok.

Deuteronomy 34:5

Me yim’ Moses, ni fare tapigpig rok SOMOL u rom u lan e nug nu Moab, ni bod ni yog SOMOL.

Genesis 47:29

Fa’ani chugur ni nge yim’, me pi’ e thin nge yan ngak Josef nge yib me ga’ar ngak, “Wenig ngom, mmicheg bbugithin ngog u mit Got; mu tay pa’am nga tan eg ngam mmicheg ngog ni bay mpar ni gab yul’yul’ ma ga rin’ ngog e tin ni bfel’, ndab mu k’eygeg u Egypt.

Genesis 17:21

Machane bay gu tay e m’ag rog u thilmow Isak ni fakam, ni bayi gargeleg Sarah ko re ngiyal’ i n’ey u lan e binem e duw.”

Proverbs 24:27

Dab mu toy e naun rom ngam sunmiy reb e tabnaw nge mada’ ko ngiyal’ ni ka mu fal’eg rogon yung i flang rom, nike pagan’um nrayag ni ngam par rom.

Isaiah 28:24

Ba girdi’en e milay’ e gathi gubin ngiyal’ nma gi’ e yungi flang rok ni nge bung rogon ni ngan yung.