Eklesiastes 3:18 - Bible Ni Thothup

¹⁸ Mug t’ar u wan’ug ni Got e be sikeng nagdad e girdi’ ni nge dag ngodad ni gathi ri gadad ba thil ko gamanman.

Eklesiastes 3:18 Referans Kwoze

Psalms 73:22

ngiyal’nem e ug par ni gub manan’ ni bod ba gamanman; da ug nangfan e tin ni um rin’.

Psalms 49:12

Feni sorodad e dabiyag ni nge talegdad ko yam’; ya ri bay dm’ad ni bod e gamanman.

2 Peter 2:12

Machane pi girdi’ ney e yad be ngongol ni n’en ni yad be ar’arnag e ir e be gagiyeg nagrad, ni bod rogon e gamanman ni malboch ni kan gargelegrad ni nge kolrad e girdi’ ngan li’rad; ma pi girdi’ nem e yad ma yog e thin nib kireb nga bogi ban’en ndar nanged fan. Ma bay nli’rad ngarm’ad ni bod rogon e gamanman ni malboch;

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

Roma 9:23

Ma ku be finey ni nge dag e fla’ab rok ni ba ga’ nike pu’og nga dakendad e pi’in be runguydad, ni pi arodad nike ngongliy rogorad ni nge yag e fla’ab rok ngorad.

1 Peter 1:24

ni bod rogon ni be yog e babyor nib thothup ni be ga’ar: “Girdi’ ni gubin e yad bod e pan, ma urngin fel’ngirad e bod rogon e floras ko pan. Bay yim’ e pan, me mul e floras riy,

Roma 3:4

Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”

Psalms 51:4

Kug denen nib togopluw ngom, ni kemus ni gur e ba togopluw ngom, ma kug rin’ e tin nib kireb u wun’um. Ere mmat’aw ni ngam pufthin nigeg, bay mat’awum ni ngam turguy e gechig rog.

Psalms 49:14

Ke m’ay i turguy ni ngarm’ad ni bod e saf, ma yam’ e ir e bayi mil farad ngak. Ma pi’in nib mmat’aw e yad ra gel ngorad, ma be par dowrad ni be wod ko gin ni kan k’eyagrad riy nib orel ko tabinaw rorad!

BABYOR NI JOB 40:8

Mog, ga be guy rogon ni nge m’ug ni gu ba kireb me par ni gur e ga ba manigil?

BABYOR NI JOB 15:16

Gadad e gadad ma unum e kireb ni gowa ran; errogon, gadad ba kireb; dariy ban’en ni gadad bfel’ ngay.