Eklesiastes 3:10 - Bible Ni Thothup

¹⁰ Kug guy e maruwel nike pi’ Got ngodad ni nga’ud muruwliyed.

Eklesiastes 3:10 Referans Kwoze

Genesis 3:19

Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

Eklesiastes 2:26

Got e pi’ e gonop, nge llowan’ nge felfelan’ ngak e pi’in yad ma rin’ e tin nib magan’ ngay, machane ma tay e pi tadenen ni ngar marwelgad, ngar thog naged ban’en miyad cha’riy, ma aram e n’en keyag ngorad e bay ni pi’ ko pi’in yad bfel’ u wan’ Got. Gubin nib m’ayfan. Bod ni yibe lol’oeg e nifeng.

2 Thessalonika 3:8

Dariy be’ ni gu paged nge ayuwegmad nda gu pi’ed puluwon ngak. Ya ug maruwelgad nib gel nneap’ nge rran; ug pired ni gamad be maruwel ni bochan e nge dab mu n’iged e salpiy nga puluwmad.

1 Thessalonika 2:9

Pi walagmad ni girdi’en Kristus, bmuduwgil ni kigimed manang rogon feni gel e maruwel ni ug ted! Ug maruwelgad ni rran nge neap’ ni bochan e nge siy gu magawon niged gimed ko n’en ni ngan gafaliymad riy ko ngiyal’ ni ba’aram ni ug machib niged ngomed fare Thin Ni Bfel’.

Eklesiastes 11:5

I Got e sunumiy urngin ban’en, ri dabiyag ni nge tamilangan’uy ko pin’en nma rin’, ni bod rogon ndabiyag ni nge tamilangan’uy u rogon bbitir ni be ga’ u yin be’ ni bpin.