Eklesiastes 2:6 - Bible Ni Thothup

⁶ gu ker e pi lipath ni nge mit e ran riy, ni fan ko gek’iy.

Eklesiastes 2:6 Referans Kwoze

Nehemiah 2:14

Ma aram mu gu wan riy ko fa binem e Garog ni Athang’el ko fare Lipath rok e en Pilung; ma de pir’eg fare gamanman ni gu bay u daken bang ni nge yan riy.

Jeremiah 17:8

Ra bod bake gek’iy ni tugul u charen e lul’ ni pi’ likngin nga fithik’ e ran. Ni darmayib e marus ngak u ngilan’ e yal’, ni bochan yuwan ni be par nib galunglung; dar ma magfan’ ko n’uw ni dakir aw; yug be par ni bay e mak’uf riy.

Tang Ko Pitang 7:4

Blel’ugnem e bod ba wulyang ni ivory. Ma lan owchem e bod yung i lipath u lan e binaw nu Heshbon, nib chuchugur ko garog ko fare binaw nib gilbugwan. Ma p’ethungum e rib fel’usun ni bod e wulyang nu Lebanon nib suwon ni matnag nu Damascus.

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Nehemiah 2:8

Mu ku gu wenig ngak ni nge pi’ bang e babyor ngog ni nggu pi’ ngak Asaf, ni ir e be guy fapi gek’iy ni fi’in e en ni pilung, ni nge yog ngak u babyor ni nge pi’ e ren ngog ni nga ni fanay ko pi garog ko fare naun ni ka ni yororiy ni fan ko mael ni tafen e salthaw ni matanagen e Tempel, nge ren ni ngan fanay ko yoror ko binaw, nge naun ni nggu par riy. Me pi’ pilung ngog urngin e pin’en ni gu wenignag ngak, ni bochan e ba’ Got rog.

Nehemiah 3:15

Shallum nib mo’on ni fak Kolhozeh, ni ir e ma gagiyeg ko binaw nu Mizpah, e ki ubung bayay fare Garog ni Athang’el. Me upunguy fare garog, me ayliy nga tagil’ me tay e pi man’ riy ngay nge fa yuley i dubchey ni lok riy. Ma fare Lipath nu Shelah e ubung e yoror riy nib chugur ko fare milay’ ko pilung, ni yan nge mada’ ko fapi tawo’ ni log ko fare Binaw rok David.

Nehemiah 3:16

Nehemiah nib mo’on ni fak Azbuk, ni ir e ma gagiyegnag baley e binaw nu Bethzur, e ir e ubung e gin migid, ni yan nge mada ko malangen e yam’ rok David, nge fare lipath, nge fare naun ni tafen e salthaw.