Eklesiastes 2:5 - Bible Ni Thothup

⁵ Gu ngongliy yung i milay’ nge yung i ban’en ni gu fal’eg rogon nggu yung gubin mit e gek’iy ngay nma yib wom’ngin;

Eklesiastes 2:5 Referans Kwoze

Jeremiah 39:4

Ma nap’an ni guy pilung Zedekiah nge gubin e salthaw rok e n’en ni yad be rin’, miyad guy rogon ni ngar milgad ngar chuwgad ko fare binaw nnep’. Ranod u kanawo’ ko milay’ rok e pilung ngar thumurgad u langan e fare garog u thilin fagal yoror, ni yad be sor i yan ko loway u Jordan.

Tang Ko Pitang 6:2

En ni gamareg e ke yan ko milay’ rok, ko gin ma tugul e gek’iy ni balsam riy. Be durwi’iy e gamanman rok u milay’ ma be kunuy e flores ni giyab.

Tang Ko Pitang 4:12

Athibon an’ug, ma male’ rog, e ba milay’ nib ling, ba milay’ ni ka ni rungrunguy, ba alublub ni go’ gag ngay;

Nehemiah 2:8

Mu ku gu wenig ngak ni nge pi’ bang e babyor ngog ni nggu pi’ ngak Asaf, ni ir e be guy fapi gek’iy ni fi’in e en ni pilung, ni nge yog ngak u babyor ni nge pi’ e ren ngog ni nga ni fanay ko pi garog ko fare naun ni ka ni yororiy ni fan ko mael ni tafen e salthaw ni matanagen e Tempel, nge ren ni ngan fanay ko yoror ko binaw, nge naun ni nggu par riy. Me pi’ pilung ngog urngin e pin’en ni gu wenignag ngak, ni bochan e ba’ Got rog.

Tang Ko Pitang 4:13

u rom e ma dammal e woldug riy. Ni bang i gak’iy ni pomegranate nni yung ni k’uf ma tin th’abi felel’ e wom’ngin. De lich e henna nge nard riy,

Tang Ko Pitang 4:16

Nifengin e lel’och, mu od. Nifengin e yimuch, mu tanfengnag e milay’ rog; ma ga sugnag fithik’ e nifeng ko fel’ bon. Mu pag gamareg nge yib ko milay’ rok nge kay e tin thabi fel’ u wom’ngin.

Tang Ko Pitang 5:1

Kagub ngalan e milay’ rog, male’ rog, ma athibon an’ug. Gu be kunuy e pi spices rog nge myrrh; gu be kay e honeycomb nge honey rog; ma gu be unum e wayin rog nge milik. Gal fager mu abichgow migimew be garbod nge mada’ ko ngiyal’ ni ka mu chinggow ko adag romew.