Eklesiastes 2:4 - Bible Ni Thothup

⁴ Kug mu’nag boch e maruwel nib gagang’. Ku gu toy boch e naun ngog ma ku gu yung boch e milay’ ni grape.

Eklesiastes 2:4 Referans Kwoze

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Isaiah 5:1

Mu telmed nggon’ e re tang ni ba’aray ngomed, ni tangin e fager rog nge bangi woldug rok ni grapes: Fager rog e immoy bangi woldug rok ni grape u daken bburey nib yong’ol e but’ riy.

Tang Ko Pitang 7:12

Bay da odgow nri kakadbul ngad yalyew e grape ngad guyew ko ke chugur ni nge tugul, fa kepuf e floras riy nge pomegranate ko ke k’uf fa. Mu rom e bay gu pi’ ngom riy e adag nge t’ufeg rog.

Tang Ko Pitang 1:14

En ni adag rog e bod e floras u mapan ni be puf u lan e milay’ ni grape u Engedi.

Psalms 49:11

Yad be leamnag ni pi naun rorad e bayi par ni dariy n’umngin nap’an; nu rom e bay ra pired riy ni gubin ngiyal’ yad be tunguy fithingrad ko yungi binaw ntaferad.

2 Kronicles 26:10

Miki ubung e pi tagil’ e damit ni kan yororiy ni fan ko mael u daken e ted me fu’og e luwed nib yo’or, ni bochan e bay yu ran’ i gamanman rok u enggin e purey’ nge yungi tafelfel’ u ba’ ni ngal. Ri ba’adag e milay’, ma aram me tay ir ko girdi’ ni ngar yunged e milay’ ni grape ko gin ni go’ burey mi ni wolduguy e gin nib yung’ol e but’ riy.

2 Kronicles 8:11

Me fek Solomon le’engin ni be’ ni bpin ni fak fare pilung nu Egypt, nge chuweg u lan fare Binaw rok David nge tay ngalan ba naun nike toy ni tafen fare bpin. I ga’ar Solomon, “Thingar dabi par e re bpin ney u lan fare naun rok David ni Pilung nu Israel, ni bochan e gubin yang ni immoy fare Kahol ko M’ag riy ma ba thothup nib tabgul.”

1 Kings 15:19

“Ngad manged ngabang, ni bod rogon e pi chitamangidad. Ba’aray e silber nge gol niba tow’ath ni fanam. Ere chiney e ngam th’ab e tha’ romew Baasha ni Pilung nu Israel, ya nge chuweg e yu raba’ i salthaw rok u tafnag.”

1 Kings 9:1

Tomuren nike mu’ Solomon i toy fare Tempel nge naun rok ni tafen e pilung, nge urngin e naun ni leamnag ni nge toy,

2 Samuel 18:18

Nap’an ni kabfos Absalom me ubung ban’en nib tolang ni ngi i puguran Absalom ngak e girdi’, ni ubung u lan fare loway ni Loway ko Pilung fithingan, ya dariy fak ni pumo’on nra par nge mang puguran rok ngak e girdi’. Me tunguy fithingan ngay, ere ke mada’ ko bin daba’ e rran ma yima pining fithingan ni Puguran rok Absalom.

Genesis 11:4

Ma aram me lungurad, “Ngad ngongliyed reb e binaw ngodad ni pire’ e naun riy ni bay ba wulyang riy ni yan i tun ko lang. Me gilbuguwdad me siy da weargad u roy u fayleng.”