Eklesiastes 2:11 - Bible Ni Thothup

¹¹ Ma aram mu ug leamnag rogon urngin e pin’en ni ku gu ngongliy nge feni gel e maruwel ni ug tay riy, mu gu nang ni dariy ban’en ni fan. Bod ni gu be lol’oeg e nifeng ndariy gam’ingin ngabang.

Eklesiastes 2:11 Referans Kwoze

Eklesiastes 1:14

Kugguy urngin e tin ni kan mu’nag u roy u fayleng, ma nggog ngom, urngin ma ba m’ayfan. Bod ni yibe lol’oeg e nifeng.

Eklesiastes 1:3

U nap’an e yafos rom e ka mu parnag e maruwel, ni maruwel nib gel, ma mang gam’ingin ni nge yib i m’ug?

1 Timothy 6:6

Liyor ni yima tay ngak Got e ri ra fel’ rogon be’ riy ni fa’anra kefel’ u wan’ e tin bay rok.

Exodus 39:43

Me fal’eg Moses i yaliy gubin fa pin’em ni kar ngongliyed me guy ni kar ngongliyed ni karikan rogon ni yog SOMOL. Ma aram me fal’eg Moses wa’athrad.

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Habakkuk 2:13

Pi nam ni kam koled e ke aw porowrad ko maruwel nib m’ay fan, ya urngin e pin’en ni kar ngongliyed e yibe guy nike yik’ be yan e daramram riy ngalang. I SOMOL ni Gubin ma Rayag Rok e ke rin’ e ren’ey.

Psalms 89:47

Mu leamnag feni ngoch nap’an e yafos rog; mu leamnag ni mu sunumeg urngin e girdi’ nib mudugil ni yad ra yim’!

Eklesiastes 1:17

Gu duwgiliy ni nggu fil ko mang e thil u thilin e llowan’ nge balyang, nge gonop nge aliliy. Machane gu pir’eg ni ku ta’reb rogon ko gu be lol’oeg e nifeng.

Eklesiastes 3:9

Mange ke yag ngodad ko gabin e maruwel rodad?

Eklesiastes 5:10

Fa’anra ba t’uf rom e salpiy, ma dariy bangiyal’ nra gaman oren u wun’um; ma fa’anra mum’ ni bochan ni nge fel’ rogom, ma dariy bangiyal’ ni ga ra gaman ko tin ga ba’adag. Rib m’ayfan.

Eklesiastes 5:16

De mat’aw! Gadad ra yan nri bod rogon ndabad. Ud marwelgad ni gadad be guy rogon ni ngad facholiyed e nifeng, fa mang e ke yag ngodad?