Eklesiastes 12:9 - Bible Ni Thothup

⁹ Machane bochan e Filosofer e ba gonop, made tal i machibnag e girdi’ ko n’en ni manang. I fil e yubug i thin ni bay e gonop riy mri tayan’ i sikengnag rogon feni rriyul’ e yubugithin nem.

Eklesiastes 12:9 Referans Kwoze

1 Kings 4:32

Me kameg dalip e bbiyu’ yu bugithin nib machib ma bay e gonop u fithik’ ma bpag e bbuyu’ e tang niki tunguy.

Proverbs 1:1

Thin nib gonop ni taban e thin rok Solomon ni fak David ma pilung nu Israel.

Proverbs 25:1

Ku ba’aray boch e thin rok Solomon ni bay e gonop riy, ni yoloy boch e tolang u tafen e puf oloboch rok Hezekiah ni Pilung nu Judah.

Proverbs 10:1

Pin’ey e yu bugithin rok Solomon ni bay e gonop riy: Re pagel nib gonop e ma uf e chitamngin ngak, ma cha’ nib balyang e ma fek e gafgowan’ i yib ko chitiningin.

1 Kings 10:8

Rib fel’ wa’athan e pi le’engim, ma rib fel’ wa’athan e pi tapigpig rom ni gubin ngiyal’ ni yad be par rom ngu’ur rung’aged e thin rom nib gonop!

1 Kings 5:12

I SOMOL e tay u gil’ e n’en ni micheg nge pi’ e gonop ngak Solomon. Mi i par ni bfel’ thilin Hiram nge Solomon, miyow ngongliy e tha’ u thilrow.

Daniel 12:3

Ma pi’in yad ba gonop e bayi gal rama’enrad ni bod ram’en lanelang. Ma pi’in ni ur filed ngak bo’or e girdi’ ni ngu’ur rin’ed e tin nib mat’aw e bay ur pired ni be gal rama’enrad ni dariy n’umngin nap’an ni bod e pi t’uf.”