Eklesiastes 12:7 - Bible Ni Thothup

⁷ Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

Eklesiastes 12:7 Referans Kwoze

Daniel 12:2

Ma pire’ e pi’in karm’ad ni bay ra fosgad ko yam’. Bochi yad e bay i par nib felfelan’ ndariy n’umngin nap’an, ma bochi yad e bay ur pired ndariy n’umngin nap’an ni yad be tamra’ ma dakuriy farad.

Psalms 146:4

Nap’an ni yad ra yim’, miyad sul ko ab; rofen nem e gubin e tin ur tanom niged e ra mus.

Zekariah 12:1

Ba’aray e thin ni murung’agen yu Israel ni yib rok SOMOL, ni fare SOMOL ni filath lanelang, me sunmiy e fayleng, me pi’ e yafos ngak e girdi’. Be ga’ar,

Genesis 3:19

Ya thangri yib e athuw u dakenam ma ga maruwel nib gel nge yog ni pi’ e but’ e ggan ngom, nge yan i mada’ ko ngiyal’ ni ngam sul ko but’ ni ir e ni ngongliyem ngay. Ni ngongliyem ko but’, ere bay kum ngal’ ni but’ bayay.”

Genesis 2:7

Ma aram me fek SOMOL ni Got boch e but’ nge ngongliy be’ ni pumo’on riy; me pag athon l’ugun nma pi’ e yafos ngalan p’ethungun, me fos fare pumo’on.

Isaiah 57:16

Gu pi’ e yofos ko girdi’ rog, ma dab ug par ni yuggu be puwan’ ngorad ara gu par ni gub damumuw ngorad ndariy n’umngin nap’an.

Numbers 16:22

Machane me ragbug Moses nge Aron nga but’ nge math peri’ row ko but’ me lungurow, “Got, I gur e ga ma pi’ e yafos. Ere mog, nap’an nra denen ta’abe’ ma aram e ngam damumuw ngak urngin e girdi’ u lan fare binaw ni ga’ngin?”

Psalms 90:3

Ga be yog ngomad ni nggu sulod ko n’en ni gu sumgad riy; ga ma pingegmad nggu sulod ko but’.

BABYOR NI JOB 20:11

Downgin e immoy ni kab pagel ma ba gel, machane dabi n’uw nap’an ma bayi ngal’ ni ab.

Numbers 27:16

“SOMOL ni Got, ni gur e bay e pogofan rok urngin e girdi’ u pa’am, wenig ngom, mu turguy reb e pumo’on nrayag rok ni ngi i gagiyegnag piyu Israel,

Hebrews 12:23

Kambad ko fare mu’ulung ni yibe felfelan’ riy, ni mu’ulung rok e tin ni nganni’ u pifak Got, ni kan yoloy fithingrad u tharmiy. Kambad ngak Got, ni ir e tapufthin rok e girdi’ ni urngin, nge pi’in yad bmat’aw ni kan ngong liyrad kar fel’gad ni yad bay u tharmiy.

Hebrews 12:9

Ma rogon e chitamangidad ni girdi’ e yad ma gechig nagdad, machane gadad ma tay farad. Ere uw fene ri ka ba ga’ fan ni ngad folgad rok Got ni Chitamangidad ma gadad fos.

Jeremiah 38:16

Me micheg Zedekiah ni Pilung bbugithin ngog nde nang be’. I ga’ar, “Gu be micheg u fithingan SOMOL ni be par nib fos, ni ir e ke pi’ e yafos ngodad, nri dab gu thang e fan rom, ma dab gu pi’em nga pa’ fapi pumo’on ni yad baadag ni ngar thanged e fan rom.”

Genesis 18:27

Miki ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. I gag e kemus ni gub girdi’, dariy mat’awug ni nggog ban’en.

BABYOR NI JOB 7:21

Dakriy bi’id ni ga ra n’ag fan e denen rog? Dab ku mu na’g u wun’um e kireb rog? Dabki n’uw nap’an mu gu wan nga low rog, ma bay um sap nigeg ma ku gu thumur.

Luke 23:46

Me non Jesus nri ba ga’ laman ni ga’ar, “Chitamag! Kug pag fag ngom!” I yog e re bugithin ney me aw e fan rok.

Acts 7:59

Ma aram miyad par ngu’ur malang niged Stefen ko ngiyal’ ni ba’aram ni pining Stefen Somol ni ga’ar, “Somol Jesus, mu fekeg!”

Psalms 103:14

Manang e n’en nni ngongliydad ngay; kamnang ni gadad e fiyath.

Psalms 104:29

Nap’an ni ga ra pi’ keru’um ngorad, miyad rus; ma nap’an ni ga ra chuweg e pogofan rom rorad, miyad yim’, miyad sul ko but’ ni ir e ra sumgad riy.

Psalms 31:6

Ga ba fananikay e pi’in yad ma tayfan e tin de riyul’ e got, machane gag e ba pagan’ug ngom.