Eklesiastes 12:5 - Bible Ni Thothup

⁵ Ma bay um rus ko yungi n’en nib tolang, ma ga ra yan ma ga be rus nigem nrichey ngam dol’. Me par lolugem nike manna’; ma kam me’waer ko yan, ma dakuriy ban’en ni ga be ar’arnag. Bay darod ko gin tomur ni nga da toffangad riy, ma bay un dololoy’ u kanawo’.

Eklesiastes 12:5 Referans Kwoze

BABYOR NI JOB 17:13

Fayleng ni tafen e pi’in karm’ad e kemus e chin’en ni ka be legan’ug ngay, ni aram e gin bay gu pageg riy nga but’ nggu mol u fithik’ e lumor.

BABYOR NI JOB 30:23

Gu manang ni ga be fekeg i yan ko yam’, ko gin gubin e girdi’ nra yan ngay.

Proverbs 16:31

Yafos nib n’uw nap’an e towa’th rok e pi’in nib mat’aw; ma manna’ u lolugenrad e ba te’elyaw nib gamog.

Psalms 71:18

A Got, chiney ni kug pilibthir ma ke mat lolgeg, e dab mu n’igeg! Mu par rog ko ngiyal’ ni gu be weliy gelngim nge fenam gel ngak gubin e mfen ni bayib.

BABYOR NI JOB 15:10

Gonop romad e gu filed rok e pi pumo’on nike mat lolugrad — ni pi’in yad ba ilal ko chitamam.

Levitikus 19:32

“Mu ted fan e girdi’ ni kar pilibthirgad, ni fan e ba’ madgug u wun’med, I Gag SOMOL.

Hebrews 9:27

Ra be’ ma thingari yim’ ni ta’ab yay, ma nga tomuren e nge pufthinnag Got fa’anem.

Jeremiah 1:11

Me fith SOMOL ngog ni ga’ar, “Jeremiah, mang e ga be guy?” Mu gu fulweg ni lungug, “Ba pa’ i gek’iy ni kel.”

Isaiah 46:4

I Gag e Got romed, ma bay ug ayuwegmed nge mada’ ko ngiyal’ ni kam pilibthirgad nike manna’ piyan lolugmed. Kug ngongliymed ma bay ug ayuwegmed; bay ug fekmed ngam mada’gad ko gin ndabki buch ban’en romed riy.”

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Proverbs 20:29

Gadad ma finey gelngin e pi’in kabpagel ma gadad ma tayfan e pi’in ke ilal nike manna’ lolgen.

Genesis 44:29

Fa’an gimed ra fek e biney rog me yan i yim’, ma gelngin e kireban’ ni gimed ra pi’ ngog ko re yangar ney ni kug taw ngay e ra li’eg.’

Genesis 42:38

Machane me ga’ar Jakob, “Dabiyag ni nge un fakag ngomed; ya ke yim’ walagen, ke yan i par ni go ir e kabay rog. Ma richey me buch ban’en rok u kanawo’. Kari gu pilibthir ndabkiyag ni gu ra athamgiliy e kireban’ ni gimed ra fek i yib ngog; ya mmudugil nra li’eg nggum’.”

Jeremiah 9:16

Mu gu weregrad ko pi nam i yan, ni bogi nam ni yad nge pi chitamangirad ni kakrom e dawor rrung’aged murung’agen; ma bay gu pi’ yu raba’ i salthaw ngi i cham ngorad nge yan i mada’ ko ngiyal’ ni kug thirifrad u but’.”