Eklesiastes 12:1 - Bible Ni Thothup

¹ Ere mu leamnag e en ni sunumiyem ko ngiyal’ ni ka gabpagel ndawor mu taw ko pi rran nge duw ni kabay nga m’on ni bay mu taw ngay ma kam pilibthir, me lungum, “Dakugur felfelan’ ko biney e tamilang.”

Eklesiastes 12:1 Referans Kwoze

Lamentations 3:27

Rib th’abi fel’ ni ngad filed e re guma’ ney ni kagdad ppagel.

Eklesiastes 11:8

Ngi i felan’um ko gubin e duw ni ga be par ni gabfos. Ndemturug n’umngin nap’an nra um par, ma dabi m’ay u wunum’ ni ga ra yim’ ma ka ba n’uw nap’an ni ga ra par ni gab yam’. Dariy ban’en ngabang ni nge lagan’um ngay.

Proverbs 22:6

Mu fil ngak e bitir rogon nthingar ra pired, mi i par u wan’rad u n’umngin nap’an e yafos rorad.

Luke 18:16

Me pining Jesus e pi’in bitir ni ngarbad ngak, me ga’ar, “Mpaged e pi bitir nir ngarbad ngog! Dab mu taleged yad, ya gagiyeg rok Got e fan ngak e pi’in bod e pi bitir ney.

Psalms 34:11

Mired, pifakag, ngam telmed ngog, nggu fil ngomed ni ngu’um pired ni bay madgun SOMOL u wun’med.

2 Timothy 3:15

ma ga manang nnap’an ni kagab bitir ma ga manang e thin ni bay u lan fare babyor nib thothup, ni ir e rayag ni nge tamilang nigem u rogon ni yima thap ngak Got, nma yag u daken e michan’ ngak Kristus Jesus.

Psalms 90:10

Ya kemus ni medlip i ragag e duw nap’mad, ra mada’ ko meruk i ragag ni fa’anra ba gel fithik’ i dowmad; machane oloboch nge magfan’ e be yib ngomad ko pi duw nem; dar n’uw nap’an e yafos me m’ay, ma gamad chuw.

Eklesiastes 11:10

Dabi magafan’med nga ban’en ara mu paged ban’en nge k’ar amith ngomed. Gathi bay um pired ni kigimed bpagel nib n’uw nap’an.

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

2 Samuel 19:35

Ke meruk i ragag e duw rog, ma dakuriy adagen lanin’ug ma dab kug nang lamen e tin ni bay ug way nge tin ni bay ug garbod ngay, ma dabkiyag ni gu rung’ag laman e pi’in yad be tang. Ra gu par ni kug mang reb e magawon ngom.

1 Samuel 2:26

Mi i ilal fare pagel i Samuel ni be’ ni bfel’ u wan’ SOMOL ngu wan’ e girdi’.

Genesis 39:2

Ma bay SOMOL rok Josef, me ayuweg nge par nib yal’uw urngin nga puluwon. Mi i par u tabinaw rok e masta rok ni be’ u Egypt.

Luke 1:15

Ya bayi mang be’ ni ba ga’ fan u p’eowchen Somol. Ma thangri dabi unum e wayin ara rrum. Ma bay ni gargeleg ma ba sug ko fare Kan Nthothup.

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”

Genesis 39:23

Ma fa’anem nib milfan e kalbus ngak e yan i par ndakuriy fan ni ngi i guy e pin’en nike pag fan ngak Josef, ni bochan e bay SOMOL rok Josef, ni be ayuweg Josef be fel’ urngin ban’en ni be ngongliy.

Efesus 6:4

Gallibthir, dab um puwan’gad ngak pifakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’ nagrad nrogon, mi gimed fonow nagrad nrogon girdi’en Kristus.

Daniel 1:17

Me pi’ Got e llowan’ ngak fa aningeg i pagel ngar salapgad i be’eg e babyor miyad nang fan e tin ni bay u babyor, miyad salap i gonopiy urngin mit ban’en. Me pi’ Got e gonop ngak Daniel nrayag ni nge weliy fan e tin nma piliyeg e changar ngu’un guy nge lik’ay.

Isaiah 26:8

Gamad be falwok u lanin’um ma gur e lagan’ romad; i gur e gubin tabon lanin’mad.

1 Samuel 2:18

Me par fare pagel i Samuel ngi i pigpig ngak SOMOL, ma chuw ngalan ba mad nib wech nrogon e prist.

1 Kings 18:12

Fa’anra gu wan me yib SOMOL nge fekem ngabang ndariy be’ ni manang, me di’in? Fa gu wan gog ngak Ahab ni ga bay u roy me yib ma de piri’egem, ma nge thang e pogofan rog. Dab mpag talin ni ug par ni bay madgun SOMOL u wun’ug ma gub yul’yul’ ngak ni ka nap’an ni gub bitir ke mada’ ko chiney.

1 Samuel 1:28

Ere nggu pi’ nga pa’ SOMOL. Nge par nib mil suwon ngak SOMOL u n’umngin nap’an e yafos rok.” Ma aram miyad meybil ngak SOMOL u rom.

Hosea 7:9

ma darir nanged ni re todang ney ni yad be tay nga boch e nam e be m’aynag gelngirad. Kan duwgiliy e pi rran rorad, machane dar nanged.

BABYOR NI JOB 30:2

Bogi pumo’on ni dakriy angirad ngabang, ni yad ba me’waer ni dabkiyag ni ngar rin’ed ba maruwel rog.

1 Kings 14:13

Urngin e girdi’ nu Israel e yad ra yornag miyad k’eyeg. Kemus ni ir u chon e tabnaw rok Jeroboam e yira chibgiliy ni bfel’ rogon, ya kemus ni ir e bm’agan’ SOMOL ni Got rok yu Israel ngak.

Deuteronomy 8:18

Dab mu paged talin ni SOMOL ni Got romed e ir e be pi’ gelngimed be yo’or ban’en romed. Be rin’ ni ara’ rogon, ni bochan e ka daba’ ma ku be par nib yul’yul’ ko fare m’ag ni ngongliy u thilrad e chitamangimed ni kakrom.

Nehemiah 4:14

Mu gguy ni kerus e girdi’, me lungug ngorad nge ngak e pi’in ni yad be yog e thin rorad nge pi tolang, “Dab mu rusgad ngak e pi to’ogor rodad. Mu leam niged feni gel gelngin SOMOL nge rogon ni yima rus ngak, ngam chamgad ni fan ngak e girdi’ romed, nge pifakmed, nge pi leengimed, nge tabnaw romed.”

Psalms 63:6

Gu ra pageg nga but’ ma ga yib nga lanin’ug; n’umngin e nep’ ni gu be leam nigem,

Psalms 119:55

A SOMOL, ra nep’ mu gu leam nigem, mu ug leamnag murung’agen e motochiyel rom.

Eklesiastes 11:2

Mu tay e salpiy rom nga boch e bank u bang ngu bang’, mu tay nga boch ni pire’, ya da mu nang ko mit i mang buchwa’athan e bay yib ngalan e re fayleng ney.

2 Samuel 19:36

Dariy rogog ni nga ni pi’ e binir e fel’ rogon ngog. Ere bay gu un ngom ngad mada’gow nga ba’nem e Jordan.