Eklesiastes 11:6 - Bible Ni Thothup

⁶ Mu yung e woldug rom ni kakadbul nge blayal’; ya dabiyag ni ngam nang ko gubin nra tugul ni bfel’ rogon fa dangay, ara reb e ra tugul boch ni bfel’ rogon ma boch e dabi fel’ rogon.

Eklesiastes 11:6 Referans Kwoze

Isaiah 55:10

“Thin rog e bod e ayis nge n’uw nma aw u lang nga but’ ya nge tarannag e but’. Nge ayuweg e woldug nge ga’; me yib awochngin ni ngan yung nge ggan ni ngan kay.

Hosea 10:12

Me lungug, ‘Mu gi’ed bang e but’ ni kab be’ech ni fenmed, mu yunged e tin bmat’aw, migmed t’ar wom’ngin ni fel’ wa’athan nma yib u fanmed yul’yul’ ngog. Ke taw nga nap’an ni ngam chealgad ngam sapgad ngog, ni Gag SOMOL romed, mu gub gu pu’og e fel’ wa’athan rog nga dakenmed.’

2 Korinth 9:6

Dab mpaged talin e re bugithin ni ba’aray: cha’ nra yung e awoch nib lich e bochu’uw e n’en nrayag riy ngak; ma en nra yung e awoch ni pire’, e pire’ e n’en nrayag riy ngak.

2 Timothy 4:2

ni ngam machibnag e thin rok Got ko girdi’ ndemturug ko kari mab e kanawo’ ngom fa dawor; mu gguy rogon ni nge riyul’ u wun’rad, ma ga fal owcherad ko kireb ni yad be rin’, ma ga pi’ e athamgil nga lanin’rad, mu um fil e thin rok Got ngorad u fithik’ e gumaen’.

Eklesiastes 9:10

Demturug ko mang e ga be rin’ ma ngam rin’ ni karimus rogom riy, ni bochan e dakriy ban’en ni ngan rin’, ma dariy e tafinay, ma dariy e llowan’, ma dariy e gonop u lan e fayleng ko yam’ — ni aram e gin ni ngam man ngay.

Eklesiastes 9:1

Gu par nib n’uw nap’an ngu’ug leamnag urngin e pin’ey mu gguy ni Got e be gagiyegnag e ngongol rok e pi’in nib gonop nge pi’in nib mat’aw, ni mus ko t’ufeg nge fananikan rorad. Ma dariy be’ ni manang ko mang e bay nga m’on ni bayi mada’eg.

Eklesiastes 11:7

Ba manigil ni nge yag ni ngu’un felfelan’ nga fel’ngin e tamilang ko rran.